Kwanja Vinthu Vakuliŵavu
Kumbi Bayibolu likamba kuti nkhunanga kuja ndi ndalama pamwenga vinthu vakuliŵavu?
Vakuwoniyapu va mu Bayibolu vo vingakuwovyani:
1 Mafu. 3:11-14—Yehova wangutumbika Fumu Solomoni ndi chuma chinandi chifukwa cha kujiyuyuwa kwaki
Yobu 1:1-3, 8-10—Chinanga kuti Yobu wenga ndi chuma chinandi kweni wawonanga kuti ubwezi waki ndi Yehova ndiwu wenga wakukhumbika ukongwa pa umoyu waki
Ntchifukwa wuli tingakamba kuti ndalama ndipuso vinthu vakuliŵavu vizisa likondwa chayilu cha?
Kumbi ndi vinthu wuli vo vilongo kuti chuma ntchambula phindu?
Kumbi kuja ndi ndalama ndipuso vinthu vinandi vakuliŵavu nkhwakofya wuli?
Kumbi kuja ndi chuma chinandi kungatipusisa wuli?
Nthanthi 11:4, 18, 28; 18:11; Mate. 13:22
Vakuwoniyapu va mu Bayibolu vo vingakuwovyani:
Machi. 8:18-24—Simoni waŵanaŵananga kuti wangagula maudindu mu mpingu wachikhristu ndi ndalama
Kumbi ndi vinthu wuli vo tingaluza chifukwa chakwanja ukongwa ndalama?
Mate. 6:19-21; Luka 17:31, 32
Vakuwoniyapu va mu Bayibolu vo vingakuwovyani:
Mariko 10:17-23—Mnyamata munyaki yo wayanjanga ukongwa chuma chaki wangutaya mwaŵi wakulondo Yesu
1 Timo. 6:17-19—Wakutumika Paulo wangutcheŵeska Akhristu akukhupuka kuti angajikuzganga cha ndi chuma chawu chifukwa Chiuta wangakondwa nawu cha asani angachita viyo
Kumbi kwanja ukongwa vinthu vakuliŵavu kungadeweza wuli chivwanu chidu, nanga venivi vingatimbanyizga wuli ubwezi widu ndi Chiuta?
Doto. 8:10-14; Nthanthi 28:20; 1 Yoha. 2:15-17
Wonani so Salimo 52:6, 7; Amosi 3:12, 15; 6:4-8
Vakuwoniyapu va mu Bayibolu vo vingakuwovyani:
Yobu 31:24, 25, 28—Yobu waziŵanga kuti nkhwamampha cha kuthemba chuma chifukwa vatingi vilongongi kuti watimugomezga cha Chiuta
Luka 12:15-21—Yesu wangutcheŵeska kuti tikhumbika cha kuja mtima wakwanja vinthu vakuliŵavu ndipu wangugwiriskiya ntchitu ntharika ya munthu wakukhupuka ukongwa kweni wenga mukavu kwaku Chiuta
Kumbi tingachita wuli kuti tikhorwengi ndi vinthu vo tenavu?
Kumbi ndi chuma nichi cho chiluska chuma chaku liŵavu, nanga ntchifukwa wuli?
Nthanthi 3:11, 13-18; 10:22; Mate. 6:19-21
Vakuwoniyapu va mu Bayibolu vo vingakuwovyani:
Haga. 1:3-11—Yehova wangukambiya mchimi Hagayi kuti wakambiyi ŵanthu ŵaki, kuti iyu waleka kuŵatumbika chifukwa aŵika mtima ukongwa pakuzenga nyumba zawu mumalu mwakuzenga nyumba yaki yakupaturika
Chivu. 3:14-19—Yesu wangupereka ulongozgi wanthazi kwa Akhristu aku Lawodikaya chifukwa awonanga kuti chuma chaku liŵavu ndichu chenga chakukhumbika ukongwa mumalu mwakuteŵete Chiuta