Muyigwiriskiyengi Ntchitu Umampha “Mphasu Yakutuliya Kwaku Chiuta”

Tosi tichiskika asani te limoza ndi Akhristu anyidu. Kweni kuti tichiskanengi nadi, pe vinandi vo tingachita kuluska kucheza ŵaka limoza. Bayibolu likamba kuti kuchiskana ndi “mphasu yakutuliya kwaku Chiuta.” (Aro. 1:​11, 12) Kumbi tingachita wuli kuti tiyigwiriskiyengi ntchitu umampha mphasu yeniyi?

Muchiskengi anyinu kuziya mu vo mukamba. Mwakuyeruzgiyapu, asani timukapu pa maunganu, tikambengi ndemanga zo zikamba ukongwa vakukwaskana ndi Yehova, Mazu ngaki kweniso ŵanthu ŵaki mumalu mwakukamba ukongwa vakukwaskana ndi isi. Asani ticheza ndi Akhristu anyidu tikambengi nkhani zakuchiska pe.

Muchiskengi anyinu kuziya mu vo musankha ndipuso vo muchita. Mwakuyeruzgiyapu, ŵanthu anyaki angachiskika asani awona kuti mwasankha kuchita uteŵeti wanyengu zosi chinanga kuti mukumana ndi masuzgu nganyaki. Pamwenga angachiskika asani muyesesa kusanirika pa maunganu nga mkati mwa sabata nyengu zosi chinanga kuti mutama pamwenga mutangwanika ukongwa ndi ntchitu.

Kumbi muchiska Akhristu anyinu kuziya mu vo mukamba ndi kuchita? Kumbi namwi muchiskika ndi vo Akhristu anyinu akamba ndi kuchita?