GIPANDRE 1

Ha gu mu engisa kharini Nungungulu?

Nungungulu a gu ganeya ni ethu khu gu thumisa Bhibhiliya. 2 Thimoti 3:16

Khu gikhaloni gyaye ndzadzini, Jehovha a gu ninga tshivba vama gasi gu lova Bhibhiliya

Nungungulu nya lisine leletede vathu gu lova mihingegedzo yaye omu nya livru nya guage. Livru yoyo i Bhibhiliya. Iyo yi na ni mahungu nya lisima aya Nungungulu a vbwetago gu khuye u mati.

Nungungulu a ngu siti esi si gu tshukwana gwathu, nigu uye khuye Muningi nya guti gwatshavbo. Wa gu mu engisa, khu lisine u na khala muthu nya guti. — Mavingu 1:5.

Bhibhliya khu malimi nya mangi; mwama a lerigo Bhibhiliya khu lidimi laye

Nungungulu a gu vbweta gu khuye vathu vatshavbo mafuni va hevbula Bhibhiliya. Olu, iyo yi ngu manega khu malimi nya mangi.

Wa gu vbweta gu engisa Nungungulu, gu vbwetega gu u hevbula ni gu pwisisa Bhibhiliya.

Mafuni gwatshavbo vathu va ngu hevbula lisine la Nungungulu. Matewu 28:19

Fakazi ya Jehovha yi lereyago Bhibhiliya mwama nyo khaguri, khu hwane a hevbula naye Bhibhiliya

Dzifakazi dza Jehovha dzi nga gu phasa gu pwisisa Bhibhiliya.

Mafuni gwatshavbo, idzo dza gu hevbudza lisine la Nungungulu.

Tshangano wu girwago Salawuni nya Mufumo nya Dzifakazi dza Jehovha

Khu livbi gilo gasi gu hevbula lisine. U ngu kodza gambe gu hevbula lisine la Nungungulu omu Dzifakazi dza Jehovha dzi tshanganago umo gipandreni gwanu.