U na gira gugola ga Jehovha gani?

Hi bongide kholu u nga dzi ninga tepo nya gu hevbule bruxura yeyi gasi uti gwadi Dzifakazi dza Jehovha, mithumo yathu, ni gu wona edzi hengeledzano yathu yi thumago khidzo. Hi ngu tumba gu khethu yi gu phaside gu hiti kha nga ava va girago gugola ga Jehovha muhuno. Hi ngu gu kutsa gu simama gu hevbula simbe khu Nungungulu, u bhuleya valongo vago ni dzipari dzago esi u si hevbulago, u bwe u simama gu tshangana ni ethu mitshanganoni yathu nya wuKristo. — Vahebheru 10:23-25.

Wa gu simama gu hevbula simbe maningano ni Jehovha, u na wona edzi uye khu lisine a gu haladzago khidzo. Khu kharato, u na kutsega gu gira satshavbo u si kodzago gasi gu mu yeyedza lihaladzo lago nuwe. (1 Johane 4:8-10, 19) Ganiolu, u nga yeyedza kharini gu khuwe u ngu dzina gu gira isoso kamo womini wago wa tshigu ni tshigu? Khu ginani u na phasegago ngudzu khu gu landreya milayo yaye nya mavbanyelo? Nigu ginani gi na gu phasago gu dogoreya gu gira gugola ga Nungungulu gumogo ni ethu? Muhevbudzi wago nya Bhibhiliya a na tsakeya gu gu yeyedza mihlamulo yakona gasi uwe ni ndranga yago mu kodza gu ‘simama lihaladzoni la Nungungulu na mu gu vireya guvbanya nya gupindruge.’ — Judha 21.

Ho tsakeya gu gu kutsa gu simama gu dandra lisineni khu gu bwe u hevbula livru ‘Tshamani liranzweni la Nungungulu’.