BHIBLIYOTEKA NYA SAYITI ya Torre de Vigia
BHIBLIYOTEKA NYA SAYITI
ya Torre de Vigia
Gitonga
  • BHIBHILIYA
  • MABHUKU
  • MITSHANGANO
  • lfb gihevbulo 24 p. 62-p. 63 ndri. 2
  • Kha va gira esi va nga tumbisa

Gipandre u hathidego gi mwalo vhidhiyu.

Hi divaleye, hi tshanganide ni gigaradzo nyo khaguri tepo hi nga ba hi zama gu tula vhidhiyu.

  • Kha va gira esi va nga tumbisa
  • Hevbula khu matimo nya Bhibhiliya
  • Nyo yelane
  • Simbo wu khondrago
    Hevbula khu matimo nya Bhibhiliya
  • Maho yago ma gu khedza hayi?
    Mukhedziseyi a tivisago Mufumo wa Jehovha (Nya gihevbulo) — 2018
Hevbula khu matimo nya Bhibhiliya
lfb gihevbulo 24 p. 62-p. 63 ndri. 2
Vaisrayeli va gu embeleya ni gu haneya gimombyana nya ouro

GIHEVBULO 24

Kha va gira esi va nga tumbisa

Jehovha a di embeya Mosi khuye: ‘Lita uta eno gigomoni. Nyo vbweta gu lova milayo yangu avba nya siwindri nyi gu ninga.’ Mosi a di gweya gigomoni a ya khala 40 matshigu ni 40 wutshigu. Tepo a nga ba ari iyoyo, Jehovha a di lova milayo nya lisima avba nya siwindri a ninga Mosi. Milayo yoyo yi di gu ranwa pwani Milayo nya Likhume.

Mosi a di digeledza siwindri sasivili a nga ba a pharide

Hwane nya tepo nyo khaguri, Vaisrayeli va di pimisa gu khavo Mosi a di tshade enga. Va di embeya Aroni khavo: ‘Ho vbweta muthu gasi gu a hi thangeya. Hi gireye nungungulu!’ Aroni a di khuye: ‘Nyi ningeni ouro yanu.’ A di nyegisa ouro yoyo a gira gifananiso nya gimombyana. Vathu va di khavo: ‘Gimombyana gegi khuye Nungungulu wathu a nga hi dusa Egipto!’ Va di pheya gu khozeya gimombyana gyogyo nya ouro, va bwe va gira festa. Ina isoso si diri silo nya sadi? Ahihi. Kholu vathu va di gu tumbiside gu khozeya Jehovha basi. Ganiolu, avo va di diga gu gira esi va nga tumbisa.

Jehovha a di wona esi si nga ba si girega, khavbovbo a embeya Mosi khuye: ‘Tshiga u va yela. Va digide gu nyi engisa. Vo khozeya nungungulu nya malipha.’ Mosi a di tshiga khu gigomoni, na pharide siwindri sivili.

Tepo Mosi a nga ba a vboha vbafuvbi nya matendra, a dipwa vathu na va gu embeleya. Khavbovbo, a di va wona na va gu haneya ni gu khidzimeya gimombyana. Mosi a di goroga ngudzu. A di digeledza siwindri sile sa sivili a nga ba a pharide si thega si pandrega. A dzegeya gu khungumuleya gifananiso gile. Khavbobvo a wudzisa Aroni khuye: ‘Va gu kodzide kharini gu gu kutsedzeya gu gira silo sesi nyo vivbe ngudzu?’ Aroni a di khuye: ‘U nga gorogi. U ngu vati nuwe vathu vava. Va di gu vbweta nungungulu, khu kharato nyi di nyegisa ouro yawe niloni gu duga gimombyana gegi!’ Aroni kha nga ba a yede gu gira isoso. Mosi a di bweleya gigomoni a ya lomba Jehovha gasi a va divaleya.

Jehovha a di divaleya vale va nga ba va dzi emisede gu mu engisa. U ngu li wona lisima nya gu engise Jehovha ni ava a va thumisago gasi gu thangeya?

“Wa gu hunga gifungu ni Nungungulu, vbiredzela gu gitadzisa, kholu Nungungulu kha tsakiswi khu vathu nya guvivbedwe myonyo. Khu guralo tadzisa gisambanyo gyago.” — Muhevbudzi 5:4

Siwudziso: Ginani va nga gira Vaisrayeli tepo Mosi a nga ba a khugide? Ginani egi Mosi a nga gira tepo a nga wuya?

Ekisodha 24:12-18; 32:1-30

    Mabhuku khu Gitonga (2002-2025)
    Duga
    Beya
    • Gitonga
    • Rumeya
    • Esi u si tsakeyago
    • Copyright © 2025 Watch Tower Bible and Tract Society of Pennsylvania
    • Nayo nya mathumiselo
    • Nayo nya sihalo
    • Privacy Settings
    • JW.ORG
    • Beya
    Rumeya