Gudzinogisa
Jehovha a gu va wona kharini vale va dzi nogisago ni vale va dzi khusedzago?
Ndz 138:6; Mav 15:25; 16:18, 19; 22:4; 1Pe 5:5
Wona gambe Mav 29:23; Isa 2:11, 12
Siyeyedzo nya Bhibhiliya si na gu phasago:
2Dzik 26:3-5, 16-21 — Khu gu dzi khusedza, pfhumu Uziya kha engisa nayo wa Nungungulu nigu a gorogide tepo vapristi va nga mu kawuka. Khu kharato, Nungungulu a di mu veta khu sokono
Lu 18:9-14 — Jesu thumiside gipimaniso gasi gu yeyedza edzi Jehovha a dzipwago khidzo tepo a pwago milombelo ya vale va dzi khusedzago ni vale va dzi nogisago
Jehovha a gu mu hakha kharini muthu a dzilayago khu lisine ni gu dzinogisa?
2Dzik 7:13, 14; Ndz 51:2-4, 17
Siyeyedzo nya Bhibhiliya si na gu phasago:
2Dzik 12:5-7 — Khu kotani nya olu pfhumu Robhowamo ni dzindruna dza Judha dzi nga dzinogisa mahoni ga Jehovha, kha va songwa
2Dzik 32:24-26 — Pfhumu nya yadi Ezekhiya a di khala muthu nya gu dzi khusedze, ganiolu Jehovha a mu divalede tepo a nga dzinogisa
Gu dzinogisa ga gu hi phasa kharini gu pwanana ni vambe?
Ef 4:1, 2; Flp 2:3; Kol 3:12, 13
Siyeyedzo nya Bhibhiliya si na gu phasago:
Ge 33:3, 4 — Jakobe a yeyedzide gudzinogisa tepo a nga manana ni ndriyaye Esawu, nya gu adzina saye a di nga goride naye. Isoso si giride gu si va vbevbugeya gu pwanana
Val 8:1-3 — Mulamule Gidhiyoni dzinogise tepo a nga ganeya gu khuye vama va efrayimi va diri vakhongolo guvbindra uye. Khu ndziya yoyo, likhulo lawe li di bosa
Jesu Kristo hevbudzide kharini lisima nya gu dzinogise?
Mt 18:1-5; 23:11, 12; Mr 10:41-45
Siyeyedzo nya Bhibhiliya si na gu phasago:
Isa 53:7; Flp 2:7, 8 — Kha nga si ganedwego, Jesu dzinogiside a dzumeya guta mafuni a ta songwa khu ndziya nya xapi
Lu 14:7-11 — Jesu thumiside gipimaniso gi ganeyago khu malanga nya gu hathege ngudzu omu nya dzifesta gasi gu yeyedza lisima nya gudzinogise
Joh 13:3-17 — Jesu ningide giyeyedzo nya gudzinogise ga valandreyi vaye tepo a nga handza migondro ya vapostoli vaye