Gululamisa sigaradzo ni vambe
Tepo munthu nyo khaguri a hi ghoheyago khu ginani hi si yeligo gu goroga ambari kamu gu dzi phodzeya?
Mav 20:22; 24:29; Ro 12:17, 18; Jak 1:19, 20; 1Pe 3:8, 9
Siyeyedzo nya Bhibhiliya si na gu phasago:
1Sa 25:9-13, 23-35 — Nabhali vade Dhavhidhe ni vathu vaye a bwe a bomba gu va phasa. Dhavhidhe a di goroga a hunga gu songa Nabhali ni vatshavbo va ndrangani gwaye, ganiolu wusingaladzi wa Abhigayili wu phaside Dhavhidhe gu mba dzi phodzeya
Mav 24:17-20 — Pfhumu Solomoni a di ganeya gu khuye Nungungulu kha tsakiswi khu vale va tsakago tepo valala vawe va tsanisekago, khu kharato hi yede gu vega satshavbo madzani ga Jehovha
A gu tshuka Mukristo a gandrwa ginyalana khu muthu nyo khaguri, khu ginani a yedego gu bhudzisana ni muthu yoyo a bwe a si mu vegeyi giviti?
Le 19:17, 18; 1Ko 13:4, 5; Ef 4:26
Siyeyedzo nya Bhibhiliya si na gu phasago:
Mt 5:23, 24 — Jesu tshamusede gu khuye hi yede gu gira satshavbo hi si kodzago gasi gu wusedza gurula ni ndriyathu a hi gandridego ginyalana