Vaphya — Dzi vegiseyeni gu “gira esi nya sadi”

Avba nya lidangaliya a li yisidego ga Tito, mupostoli Pawulo a di loveya madzaha, gu patago Tito, gu dzi garadzeya gu khala “giwonelo nya mithumo ya yadi ga satshavbo.” (Tit 2:6, 7) Khu gu landreya, avba nya gipimo gya gimwegyo, a gu yeyedza gu khuye vathu va Jehovha va agisidwe gasi va khala vathu “va dzi vegisedego gu gira esi nya sadi.” (Tit 2:14) Gimwegyo nya silo soso nya sadi gu tshumayela ni gu hevbudza maningano ni Mufumo wa Nungungulu. Wa gu ba u ngari muthu-muphya, u nga thumisa tshivba nya wuphya wago gasi gu thuma nga piyonero nyo phasedzeye mwendro nya tepo yatshavbo? — Mav 20:29.

Wa gu ba u tsakeya gu thuma nga piyonero, pheya khu gu khala vbavbatshi u gira gwadi sasamedzo nya wadi gasi si gu vbevbugeya. (Lu 14:28-30) Khu giyeyedzo, ginani u na dzi vbanyisago khigyo? U na enedza kharini dziora dzi vbwetegago? Lomba giphaso ga Jehovha. (Ndz 37:5) Bhuleya vavelegi vago makungo u gu nawo, ni vandriyathu va dugeleyago omu nya thumo nya wupiyonero. Khu gu landreya pheya thumo. Tiyisega gu khuwe Jehovha a na kategisa sighingi sago!

WONA VHIDHIYU YI GU KHIYO VAPHYA VA RUNGUDZAGO JEHOVHA, U BWE U HLAMULA SIWUDZISO SESI:

• Sigaradzo muni si tshatugidwego khu vambe gasi gu thuma nga vapiyonero, nigu va di gira kharini?

• Vavelegi va nga phasa kharini sanana sawe gasi gu khala vapiyonero?

• Khu ginani si gu ni lisima gu manega ni longoloko nyo tshumayele?

• Sivbango nya libandla si nga tiyisa ni gu phasa kharini vapiyonero?

• Makategwa muni ma manwago khu vapiyonero?