Mafu ma di “midza tsongo”

Ndrani nya matimo nya guvbanye, dzipfhumu nya mafu yaya dzi phaside vathu va Jehovha. (Ezr 6:1-12; Es 8:10-13) Ambari matshiguni yathu nugo, hi ngu wona “mafu” — sivbango nya mafu yaya si ruwadego mihungo — na ma midza “tsongo” nya tshanisa wu tidwago pwani khu “mwamilambo,” Sathane Dhiyabhulosi. (Gut 12:16) Jehovha, “Nungungulu a vbanyisago,” dzitepo nya dzingi a ngu kutsa dzipfhumu nya mafu gu tshudzisa vathu vaye. — Ndz 68:20; Mav 21:1.

Ambari ulolo, ahati wa gu tshuka u modwa khu kotani nya gukhodwa gwago? U nga garadzegi, Jehovha a ngu gu wona. (Ge 39:21-23; Ndz 105:17-20) Tiyisega gu khuwe gukhodwa gwago gu na tshatshazedwa nigu gutumbega gwago gu ngu tiyisa hwambo vandriyathu tigoni gwatshavbo. — Flp 1:12-14; Gut 2:10.

WONA VHIDHIYU YI GU KHIYO VANDRIYATHU COREIA VA DUSIDWEGO KHU PASONI, KHU GU LANDREYA LHAMULA SIWUDZISO SESI:

• Khu ginani khu myaga ni myaga vandriyathu Coreia de Sul va nga ba va khothedwe?

• Ginani gi hungidwego khu corte gi phasidego gu vandriyathu va tshudwa na gu ngari dzimindru?

• Hi nga phasa kharini vandriyathu va mafuni gwatshavbo va khothedwego khu kotani nya gukhodwa gwawe?

• Hi nga londrola kharini gutshulega hi gu nago olu?

• Khu mani a lumbago gu bongwa khu gu wuyedwa hi gu manago dzitribhunali?