Ina u ngu londrola gwadi gibhukwana gi gu khigyo Gevisisa milowo tshigu ni tshigu?

Ina longoloko wago nya liphuvbo wu ngu pata gu leri lowo nya Bhibhiliya ni mitshamuselo nya litshigu ni litshigu nya gibhukwana Gevisisa milowo tshigu ni tshigu? Abari gu ne, ina u nga si pata avba nya longoloko wago? Nya vangi va gu tala gu hevbula lowo nya litshigu vbadzimindrutunu khu kharato va nga kodza gu dundrugeya khesi va si hevbudego ndrani nya mithumo yawe nya litshigu. (Jos 1:8; Ndzi 119:97) U nga engedzeya kharini gu phasega khu gu leri lowo nya litshigu? Gasi gu pwisisa mongo nya livhesi nya Bhibhiliya u lerigo, leri mavhesi ma gomogo khu vbatshani nya livhesi lolo mwendro aya ya vbavbatshi. Zama gu dundrugeya khu matimo nya Bhibhiliya ma yeyedzago litshina nya nayo li tshingisidwego avba nya lowo wowo. Khavbovbo, thumisa litshina lolo nya nayo womini gwago. Tepo Lito la Nungungulu li khuhago esi u si hungago, li na thangeya womi wago ni gu gu phasa khu lisine. — Ndzi 119:105.

Dzindranga dza Bheteli dza mafuni gwatshavbo dza gu hevbula gibhukwana Gevisisa milowo tshigu ni tshigu vbadzimindrutunu khu tepo nya gu seye tsaya. Myagana yeyi, gutala nya milongoloko yoyo yi ngu thedwa omu nya JW Broadcasting^® omu nya gipandre MILONGOLOKO NI SIGIRO. Ina u di nga tshuka u wona moyo nya milongoloko yoyo? Yimbe tepo esi si tshamusedwago si nga gira nari iso kamo u nga ba u si vbweta gasi gu tiyisa gukhodwa gwago. Khu giyeyedzo, matimo ya Loti ma nga khuha kharini womi wago?

WONA VHIDHIYU YI GU KHIYO U NGA GOLI LITIGO (1Jo 2:15), KHU HWANE U HLAMULA SIWUDZISO SI LANDREYAGO:

• Khu levbini litshina nya nayo nya Bhibhiliya li nga ba liri gisekelo nya longoloko wowu nya Wukhozeyi wa vbadzimindrutunu?

• Matimo ya Loti ma gu hi yeyedza kharini mhango nya gu gole litigo ni esi li gu naso? — Ge 13:12; 14:12; 19:3, 12, 13, 24-26

• _• Hi nga yeyedza kharini gu khethu hi ngu haladza Jehovha nasiri litigo ni esi li gu naso?