Khu mani u na mu ranago?

Mwaga ni mwaga ha gu dzigaradzeya gu rana vathu va gipandreni gwathu gasi va ta patega ni ethu Gidundrugisotunu. Nya vangi va ngu ta tshangana nathu. Hi yede gu rana gambe vathu hi vatigo. (yb08-T paj. 11, ndri. 3; yb08-T paj. 14, ndri. 1) Khu vavbini gambe u nga va ranago?

• Valongo

• Sithumi-kwathu mwendro sihevbuli-kwathu

• Vavhizinyu

• Ava u va gireyago maendro nyo bweleleye ni sihvbuli nya Bhibhiliya

Nigu madhota ma nga rana ava va vbodego khu liphuvboni. Ahanti a bari gu muthu nyo khaguri u mutigo kha khali gipandreni gwago? Gasi guti ora ni wulaga avba gi na giredwago avbo gidundrugiso omu a khalago umo u ga beya omu nya jw.org, u thitha avba va nga pwani KHETHU VAMANI u bwe u phwinya avba va nga pwani “Gidundrugiso.” Tepo u dzi dongiseyago gasi gu hongola Gidundrugisotunu, dundrugeya khu vale u vbwetago gu va rana khavbovbo u va rana kamo.