DZITHOMBA NYA LITO LA NUNGUNGULU | GENESI 31

Jakobe ni Laboni va di gira gidzumeledzwano nya gurule

31:44-53

Khu ginani Jakobe ni Laboni va nga gira giluvelo nya siwindri?

Igyo gi di gu thuma kha nga wufaKazi ga vatshavbo va nga hadzi vbindra khu vbale nya gidzumeledzwano nya gurule va nga ba va giride
Igyo gi di gu va dundrugisa gu khigyo Jehovha a di gu va wona na va gu landrisa gidzumeledzwano va nga gi gira

Foto: 1.Vandriyathu vavili nya vanyamayi va khedzanago na va gorogide Salawuni nya Mufumu. Khu hwane gwawe gu ni vandriyathu nya vama ni vanyamayi va bhulago na va tsakide. 2. Vandriyathu vava mowo nya vanyamayi na va khade vbamezatunu ga wulanga gu sededwago avbo kafe, na va gu seya kafe ni gu na va tsakide khu gu manega vatshavbo. Gu ni presente yi nga fumbedwa na va ri ni Bhibhiliya vbamezatunu.

Muhuno, Jehovha a gu lindreya gu khuye vathu vaye va dzi buza khu gurula ni gupwanana. Dzindziya dzedzi nya dziraru dzi nga hi phasa kharini gu simama na hi ri ni gurula mwendro gu gu haguleya?

Gu ganeya khu gu rula — Mt 5:23, 24
Gu khala muthu nyo divaleye — Kol 3:13
Gu khala muthu nyo timiseye — Ro 12:21