‘Fuvisani vanungungulu nya malipha’

Jakobe a di gu dziti gu khuye Jehovha Nungungulu nya wufu, ambari olu Nungungulu a nga mba a nga si vegi nayo wu nga mba wu bomba gu khoseya sifananiso. (Eks 20:3-5) Khu kharato, hwane nya gu ba Jehovha a embede Jakobe gu a bweleya Bheteli, Jakobe a di laya vatshavbo gu va diga gu khoseya sifananiso. Jakobe a di dzi emisede gu fuvisa satshavbo sifananiso sawe gu pata ni dziphera ni esi va nga ba va si thumisa gasi gu dzi vhikeya. (Ge 35:1-4) Vbavbandze nya gu kanakane Jehovha tsakide ngudzu khu esi a giridego Jakobe.

Matshiguni yathu, hi nga khozeya Jehovha enga khu ndziya muni? Hi yede gu potsa gu beleya ni gevbini gi pwananago ni wukhozeyi nya sifananiso mwendro gu thumisa dzinyanga ni wuloyi. Isoso so pata gu mba manega ni gyevbini gilo gi gimbileyanago ni wudhemoni ni gu hi gevisisa gwadi silo hi dzi vbungadzago khiso. Khu giyeyedzo, nga dzi wudzisa khuwe: Omu nya sivbungadzo sangu nyi ngu wona mabhuku mwendro gu sixitiri dzifilimi dzi gu ni silo nya nga dzivhampiro, dzi zumbiya ni simbe silo si gimbeleyanago ni wudhemoni? Ina avba nya sivbungadzo sangu nyo wona silo si gimbeleyano ni wutumbe kha nga silo nyo tsakise? Hi yede gu potsa ni gyevbini gilo gi nyenywago khu Jehovha. — Ndz 97:10.

WONA VHIDHIYU YI GU KHIYO “WUGEYANI SATHANE” KHU HWANE MU HLAMULA SIWUDZISO SESI:

• 

  Gigaradzo muni gi manegidego ni gihevbuli nyo khaguri nya Bhibhiliya nyo pwani khu Palmira?

• 

  Khu ginani wu gu wugengeli gu lomba giphaso ga madhota abari gu uwe mwendro mumbe muthu u mutigo mwendro gihevbuli nya Bhibhiliya gya gu emisana ni gigaradzo gi gimbileyanago ni madhemoni mwendro wunyanga?

• 

  Ha gu ba hi vbweta gu vhikedwa khu Jehovha, silo muni hi yedego gu si potsa?

• Ginani egi Palmira a hungidego gu gira?

• Khu dzevbini dzindziya u nga dzi thumisago gasi gu potsa gu dzi tshanganisa ni madhemoni omu u vbanyago umo?