Ndziya Nya Gu Dugeleye Kha Nga Muhuweleyi​ — Tshumayela khu gu thumisa kamera mwendro interfone

LISIMA LAKONA: Khu kotani nya guandre nya tekinolojiya ni wughevenga, dzindranga nya dzingi muhuno dzi ngu tala gu manega ni dzikamera ni dziinterfone omu nya madimba nya mimuro. Si nga gira hi thava gu bhula khu mahungu nya yadi ni vathu hi gu mba va wona narigu avo va ngu hi wona. Sidundrugiso si landreyago si na hi phasa gu tshumayela khu dzikamera ni dziinterfone nya mba thava gilo.

MAGIRELO YAKONA:

• U nga dzegeyi gu pimisa gu khuwe mune ndranga kha na nga dzumeya gu bhula nago. Vathu nya vangi va gu na ni dzikamera ni dziinterfone magaya gwawe va ngu gola gu bhula ni ethu.

• Dundruga gu khuwe dzikamera nyo khaguri dzo pheya gu gravhari ni gu phwinya nu si gu phwinyi kampayinya, nigu si nga gira vamune ndranga va gu wona ni gu gupwa nu si vbohi vbamwanya nya ndranga yawe

• Tepo mune ndranga a gu hlamulago, bhula naye khomu nya interfone mwendro kamera nga khatshi wo bhula naye khovbe ni khovbe. Mu hegeye tepo u bhulago naye u bwe u thumisa dzijesto nyo olovelege. Ganeya nga edzi u nga hadzi ganeya khidzo nari khatshi a di ta gu tuleya lidimba. Ya gu ba yi romo kamera, u nga hidzimisi ngudzu khovbe. A gu tshuka mune ndranga a si hlamuli, u nga tshiyi gilo

• Hwane nyo sege mabhulo, dundruga gu khuwe mune ndranga adzina a nga gu gu wona mwendro gu gupwa