Ina u nga gira ningelo khu gu thumisa tepo yago ni tshivba?

Kha nga si profetidwego khu Isaya, gipandre nya hengeledzano ya Jehovha gya mafuni gya gu engedzeya gu dandra gu vbindra gale. (Isa 54:2) Khu kotani nya gu engedzeye gogo hi ngu vbweta dziSalawu nya Mufumu, dziSalawu nya mitshanganu nya gipandre, ni gu vbahedzwa dzi beteli dzi khala dzikhongolo. Hwane nya gu vbahwe, gu vbwetega dzi girwa manutesawu nigu dzimbe gu vbwetega dzi vbahedzwa nyaluphye. Hi nga londrola kharini lithomo lolo gasi gu gira ningelo wathu ga Jehovha khu gu thumisa tepo yathu ni tshivba?

• Hi nga patega avba nya gu agise tepo libandla li girago longoloko nyo agise Salawu nya Mufumu

• Hi nga dzi ningedza gasi gu mana trenamento nyo sayise Salawu yathu nya Mufumu

• Hi nga tadzisa Petição para Voluntário do Departamento Local de Projeto/Construção (DC-50) gasi gu phasedzeya avba nya gu vbahe ni gu gira manutesawu nya dziprojeto dzi gomogo vbafuvbi ni avba hi khalago

• Hi nga tadzisa Petição para o Serviço de Voluntário (A-19) hi bwe hi dzi ningedza gasi gu phasedzeya Bheteli ya gipandreni gwathu mwendro wumbe wulanga khu semana mweyo mwendro ni guvbindra

WONA VHIDHIYU YI GU KHIYO PROJETO NYA YIPHYA NYA GUVBAHE YI PEDWE GU DUNDRUGEDWA — GIPANDRE, KHU GU LANDREYA U HLAMULA SIWUDZISO SI LANDREYAGO:

• Gu thumiswa nya dzivhidhiyu gu engedzede kharini gu khugeya 2014?

• Gasi gu manega dzivhidhiyu dzi vbwetegago avba nya wukhozeyi wathu, projeto muni yi dundrugedwago gu phedwa nigu yi na dzega tepo muni gasi gu vbeya?

• Ava va dzinago va nga phasedzeya kharini avba nya projeto yeyi?

• Ha gu ba hi khala Estados Unidos hi nga phasedzeya kharini avba nya guvbahe doropani ga Ramapo, nigu khu ginani hi yedego gu tadzisa Petição nya (DC-50) gasi gu phasedzeya Departamento Local de Projeto/Construção yi gomogo vbafuvbi ni avba hi khalago?

• Ginani gi yeyedzago gu khigyo Jehovha khuye a thangeyago projeto yeyi?

• Hi nga phasedzeya kharini avba nya projeto yeyi ambari abari gu giemo gyathu kha gi hi dzumeleyi gu patega avba nya gu vbahe?