DZITHOMBA NYA LITO LA NUNGUNGULU | EKISODHA 33–34

Makhalelo ya Jehovha nya gu samadzise

34:5-7

Gu bonga khu makhalelo ya Jehovha si phaside Mosi gu gutimiseya ga esi si nga ba si girwa khu vaIsrayeli. Khu gufana, tepo hi yago hi pwisisa gwadi makhalelo ya Jehovha, hi na yeyedza wuhindzi khu vandriyathu gukhodwani.

“Nungungulu nya wuhindzi ni pwela wusiwana”: Jehovha a ngu gireya wuhundzi sithumi saye ni gu si sayisa khu lihaladzo nga edzi vavelegi va girago ga sanana sawe
“A hwelago gu goroga”: Jehovha a ngu yeyedza gutimisela sithumi saye, a ngu divaleya sihoso sawe ni gu va ninga tepo nyo vbindrugedze silo womini gwawe
“A tadego khu wuwadi ni gutumbega”: Jehovha a ngu yeyedza lihaladzo nyo tumbege khu vathu vaye, khu kharato pwanano waye navo wu na simama kala gupindruga

Dzifotu:Dzifakazi dza Jehovha dzo pimedzeya makhalelo ya Jehovha. 1. Madhota mavili ma endredego ndranga gasi gu ya yi tiyisa khu gu thumisa matshina nya Bhibhiliya. 2. Ndriyathu nya nyamayi a thaveleyago ndriyathu nya nyamayi a liyago.

DZI WUDZISE, ‘Nyi nga pimedzeya kharini wuhindzi ni pwela wusiwana wa Jehovha?’