Vhikeyani mapango yanu gasi ma si tshungunugi

Jehovha a gu wona mutshadho kha nga gilo nya lisima. Uye a ngu ganeya khuye mwama ni ngadzi va na vbanya gumogo. (Mt 19:5, 6) Gu na ni mitshadho nya yingi yi gu siyeyedzo nya sadi ga vathu va Nungungulu. Ambari ulolo, wu mwalo mutshadho wu nga vbeleya. Gwatshavbo gu ngu manega sigaradzo. Kha hi yeli gu wona guhambana nya vathu va tshadhidego mwendro gu tshula wugadzi kha nga ndziya nyo vbedze sigaradzo pangoni. Makristo ma tshadhidego ma nga vhikeya kharini mapango yawe gasi ma si tshungunugi?

Wona 5 mazambo nya lisima ngudzu.

1. Gu vbwetega ma dziwoneya gu hagana khu lihaladzo mwendro gu beledwa khu mavbanyelo nya guvivbe a gu silo si nga tshungunulago wugadzi wawe — Mt 5:28; 2Pe 2:14.

2. Gu vbwetega ma tiyisa wupari wawe ni Nungungulu, ni gu engedzeya gudogoreya gwawe nya gu mu tsakise wugadzini gwawe. — Ndz 97:10.

3. Gu vbwetega ma ambala mavbanyelo nya muthu muphya, ni gu yeyedza mithumo nya wuhindzi ma na girago gu pari yawe nya wugadzi yi tsaka — Kol 3:8-10, 12-14.

4. Gu vbwetega u simama gu yeyedza githawo avbo nya mabhulo yago. —  Kol 4:6.

5. Gira wugadzi nya wadi khu lihaladzo. — 1Ko 7:3, 4; 10:24.

Tepo maKristo ma yeyedzago githawo khu wugadzi, wuzundzo wakone wa gu hongola ga mutumbunusi nya wugadzi, Jehovha.

WONA VHIDHIYU YI GU KHIYO “TUTUMA NYAMBA VBELA TSHIVBA” NA WU LANDRISA SILELETELO NYA MAPALISANA, KHU HWANE U HLAMULA SIWUDZISO SESI:

• 

  Ambari olu wugadzi wu pheyago khu ndziya nya yadi, sigaradzo muni si nga dugeleyago?

• 

  Matshina nya milayo nya Bhibhiliya ma nga phasa kharini vale va emisanago ni sigaradzo pangoni?

• 

  Milayo muni Jehovha a nga vegeya ava va dzeganidego?

• Gasi wugadzi wu dugeleya ginani gi vbwetegago gu girwa?