Gutshulega hi gu vireyago—khu kotani ya Jehovha ni Kristu

Ginani u emisanago nagyo tshigu ni tshigu? U hungo nya ndranga u khathaleyago silo nya singi? U gikwendra ndrangani na wu gu thuma khu gu dzi garadza gasi gu khathaleya ndrangani? U muphya u hevbulago xikola u kutsedzedwago gu gira silo nyo vivbe khu dzipari? U ngu emisana ni madwali mwendro sinyangaviya khu kotani nya tanga yago? Adzina moyo ni moyo a ngu emisana ni gimwegyo. Makristo nya mangi ma ngu emisana ni sigaradzo khu tepo ya mweyo. Ganiolu hi ngu dziti gu khethu nya mba hweya hi na tshudziswa ga sigaradzo soso. — 2Ko 4:16-18.

Kala olu, hi ngu thaveledwa khu gu dziti gu khethu Jehovha a ngu pwisisa satshavbo sigaradzo sathu, a ngu tsakiswa khu gu tumbega gwathu ni gu timiseya nigu a hi vegede makategwa nya mangi. (Jer 29:11, 12) Jesu a nuye a ngu hi tsakeya ngudzu. Tepo hi girago mithumo yathu nya wukristo hi ngu wona esi a hi tumbisidego: “Eni nyi na bani nyiri nanu.” (Mt 28:20) Tepo hi emago hi dundrugeya khu gu tshudziswa hi na gu manago khu kotani nya Mufumu wa Nungungulu, hi na tiyisa gukhodwa gwathu ni gu dzi emiseya gu timiseya satshavbo silingo hi tshanganago naso. — Ro 8:19-21.

WONA VHIDHIYU YI GU KHIYO “KHA NGA OLU GINGULU GI HIDZIMEYAGO SIMAMA GU VEGA GUPIMA GWAGO GA JESU!—MAKATEGWA NYA MUFUMO MA TAGO, KHU HWANE U HLAMULA SIWUDZISO SESI:

• Vathu va pfhurarede kharini Nungungulu nigu khu yevbi mihandro yakona?

• Wumindru muni wu viredwago khava va tumbegago ga Jehovha?

• Wumindru wowu nyo tsakise wu na kodzega kharini?

• Makategwa muni hi na ma manago mafuni nya maphya?