U na thuma nga piyonero nyo phasedzeye khu migima nya Março ni Abril?

Ina u ngu dzina gu gira nya singi thumoni ga Jehovha teponi nya Gidundrugiso? (2Ko 5:14, 15) Khu Março ni Abril vapiyonero nyo phasedzeye va nga hatha gu ningeya 30 mwendro 50 dzihora. Wa gu ba u dzina gu patega avba nya thumo wowu nyo hathege, tadzisa petisawu u ningeya ga ava va girago gipandre nya Kometi nya thumo wa libandlani. Ga migima yoyo, malina ya ava va na dzumeledwago gu thuma nga vapiyonero nyo phasedzeye ma na tiviswa libandlani. Khu ndziya yoyo, libandla li yede gu phasedzeya vapiyonero vovo khu gu hongola gutshumayelani. Hatshavbo gu vbwetega hi londrola gwadi lithomo leli tepo nya gidundrugiso gasi hi engedzeya makodzelo yathu nyo tshumayele ni gu hi tiyisa vambe. — 1Tes 5:11.