U dongide gu wona gidundrugiso?

Phasika ya Jesu nyo hegise yi na ni tshamuselo gwathu. Kholu, kha nga olu gufa gwaye gu nga ba gu vbohide, a di dongiseya Phasika ni vapostoli vaye, eyi muhuno yi ranwago pwani gilalelo gya pfhumu. Khu kharato, Jesu a di ruma Pedro ni Johane gasi va dongiseya avba va nga hadzi gireya avbo. (Lu 22:7-13; Wona fotu yi gomogo avba nya kapa.) Isoso sa gu hi dundrugisa gu hi yede gu donga gwadi gidundrugiso khu 27 nya Março. Mabandla ma yede gu gira malulamiselo nya oyu a na vegago ganelo, gibaba, vhinyu ni simbe. Gu diga isoso, ginani egi moyo ni moyo a yedego gu gira gasi gu donga gidundrugiso?

Dongiseya monyo wago. Leri ni gu dundrugeya khu gu leri Bhibhiliya gu gimbileyanago ni gidundrugiso. Longoloko wakona wu na manega avba nya bruxura Gevisisa Milowo tshigu ni tshigu. Apêndice B12 nya revhisado nya Tradução do novo mundo das Escrituras Sagradas, yi na ni sipandryana si gimbileyanago ni longoloko wowo. (Wona Gibhukwana nya mitshangano nya thumo ni mavbanyelo nya 2020) Dzindranga dzi nga vbweta mahungu nya lisima gasi gu ma thumisa avba nya wukhozeyi nya ndranga ma ganeyago khu dzegiso ma gomogo omu nya Watch Tower Publications Index mwendro omu nya Guia de pesquisas nya Dzifakazi dza Jehovha.

Rana vambe gasi vata manega navo. Manega khu gitalo thumoni nyo tshumayele gasi gu konvhidhari vambe. Dundrugeya khava u na va ranago nya nga ava u va gireyago liendro nyo bweleye, sihevbuli sago, muthu hi mu tigo ni valongo. Madhota ma yede gu tiyisega gu khayo ma ranide oyu a vbodego khu liphuvboni gani. Dundruga gu khuwe khandri vatshavbo va khalago gipandreni gyago, gasi gu mana wulanga gi na giredwago avbo gidundrugiso gipandreni gwawe, beya omu nya jw.org u phwinya avba va nga pwani KHETHU VAMANI khu gu landreya u phwinya avba va nga pwani “Gidundrugiso.”

Ginani gambe hi nga girago gasi gu dzi dongiseya?