Thumo nya mba vbevbuga si kodzegidego gu wu gira khu gu phaswa khu liphuvbo nya guage la Jehovha

Tepo yatshavbo sithumi sa Jehovha si ngu gira mithumo nyo samadzise na siri khu makodzelo yaso ganiolu khu gu phaswa khu Jehovha. Khu 1954, hengeledzano yi duside vhidhiyu yi ranwago gu pwani A Sociedade do Novo Mundo em Ação. Projetu yeyi yi khathaledwe khu vabhetelita va nga ba va sa oloveya gu thumisana ni dziprojetu nya nga eyi. Thumo wowu nya mba vbevbuga si kodzegide gu wu gira khu gu phaswa khu liphuvbo nya guage la Jehovha. Esi vandriyathu vava va giridego so hi tiyisa gu khiso ha gu tumba Jehovha hi na gira ni wevbini thumo hi ningwago gu wu gira. — Zak 4:6.

YEYEDZA VHIDHIYU MATIMO NYA VHIDHIYU “A SOCIEDADE DO NOVO MUNDO EM AÇÃO,” KHU GU LANDREYA GIRA SIWUDZISO SESI:

• Khu ginani hengeledzano yi hungidego gu gira vhidhiyu yi ganeyago khu tsindza gwathu nya mafu yatshavbo?

• Bheteli go fana ni mili nya muthu khu ndziya muni? — 1Ko 12:14-20

• Sigaradzo muni esi vandriyathu va emisanidego naso avba nyo gire vhidhiyu yeyi nigu va si pade kharini?

• Ha gu dundrugeya khu litsangu leli, ginani hi nga gi hevbulago khu liphuvbo nya guage la Jehovha?