MAVBANYELO NYA WUKRISTO
Hi nga tumba Jehovha khu dzindziya dziraru
Dhavhidhe kodzide gupala Gholiya kholu a nga ba a tumba Jehovha. (1 Sa 17:45) Jehovha a gu vbweta gu yeyedza tshivba yaye khu gu vhikeya sithumi saye. (2 Dzik 16:9) Hi nga tumba kharini giphaso gya Jehovha na siri tshivba yathu? Hi nga gira isoso khu dzindziya dziraru:
Gombeya tepo yatshavbo. Gombeya na siri basi gasi gu divaledwa sighoho ganiolu, gasi u kodza gambe gu timiseya silingo. (Mt 6:12, 13) U nga gombeleyi basi gu Jehovha a kategisa esi u vbwetago gu gira ganilou, u lomba gambe sileletelo saye ni guti nu nga si hungi silo nyo khaguri. — Jak 1:5
Leri ni gu hevbula Bhibhiliya tepo yatshavbo: Leri Bhibhiliya tshigu ni tshigu. (Ndz 1:2) Dundrugeya khu siyeyedzo nya Bhibhiliya u bwe u dundrugeya khesi u si hevbulago. (Jak 1:23-25) Na wusi gu hongoli thumoni nyo tshumayele dzi dongiseye gwadi wulangani nyo dzi tumbe. Na wusi gu hongoli mitshanganoni dzi dongiseye gwadi gasi gu u wuyedwa
Phasedzeya hengeledzano nya Jehovha. Simama gu dzi emiseya gu landrisa sileletelo nya hengeledzano. (Mit 9:17) Engisa madhota tepo ma gu ningago wusingalagadzi ni sileletelo. — Heb 13:17
YEYEDZA VHIDHIYU MU NGA THAVI GU WUGEDWA, KHU GU LANDREYA GIRA SIWUDZISO SESI:
• Ginani egi vandriyathu va nga ba va gi thava?
• Ginani gi nga va phasa gasi gu emisana ni hwanga va nga ba vari nawo?