MAVBANYELO NYA WUKRISTO
Khu dzevbini dzipari dzago omu nya interneti?
Wupari hi nga wu tshamuseya kha nga gupwanana u gu nago ni muthu nyo khaguri, khu gu ba u mu gola mwendro gu samadziswa khu makhalelo yaye. Khu giyeyedzo, Jonatane ni Dhavhidhe va khade dzipari nya dzikhongolo hwane nyo ba Dhavhidhe a songide Gholiya. (1 Sa 18:1) Vavavili va yeyedzanide makhalelo nya yadi. Khu kharato, wupari nyo tiye wo seketedwa khu guti nyo vbeleye. Si thulago gu khiso, gasi guti muthu so vbweta tepo ni gu dzi garadza. Ambari ulolo, omu nya dzisayiti nya mabhulo vathu va gu khala dzipari khu gu thitha gumogo basi. Vathu omu nya interneti va nga si kodza gwadi gu woneleya esi va ganeyago nigu si nga va vbevbugeya gu siha edzi va gu idzo khu lisine. Khu kharato, gwadi gu dziwoneya ga vathu hi girago navo wupari omu nya interneti. U nga thavi gu bomba wupari nya muthu u gu mba muti gwadi khu gu thava gu sodwa. Vambe khu gu wona dzimhango, va hathide gu mba thumisa dzisayiti nya mabhulo. Ambari ulolo, wa gu hatha gu thumisa dzisayiti nya mabhulo, ginani u yedego gu dundrugeya khigyo?
YEYEDZA VHIDHIYU GENGEYA, U THUMISA GWADI DZISAYITI NYA MABHULO, KHU GU LANDREYA GIRA SIWUDZISO SESI:
Ginani u yedego gu gi dundruga na wu si postar mahungu nyo khaguri mwendro dzifotu?
Khu ginani u yedego gu hatha gwadi dzipari omu nya interneti?
Khu ginani u yedego gu vega mivbingano ga tepo u vbedzago na wuri omu nya dzisayiti nya mabhulo? — Ef 5:15, 16