Lihaladzo . . . Li ngu tumba tepo yatshavbo

Khu gu kutswa khu lihaladzo, ethu ha gu vireya esi nya sadi ga vandriyathu. (1Ko 13:4, 7) Khu giyeyedzo, ndriyathu a gu gira gihoso nyo khaguri a kawukwa, ethu ho vireya gu khethu a vbindrugedza. Ethu hi ngu laphiseya monyo vale va vbodego gukhodwani, hi bwe hi zama gu va phasa. (Ro 15:1) Nigu ndriyathu nyo khaguri a gu diga libandla, kha hi vbeledwi khu gu tumba nyo khethu litshigu limwedo a na wuya. — Lu 15:17, 18.

YEYEDZA VHIDHYU DUNDRUGA ESI LIHALADZO LI SI KODZAGO GU GIRA — LI NGU TUMBA TEPO YATSHAVBO, KHU GU LANDREYA GIRA SIWUDZISO SESI:

• Gu tumbega ga Abhineri, gu vbindrugedzide kharini?

• Dhavhidhe ni Jowabhi, va hlamude kharini gilombo gya Abhineri?

• Khu ginani hi yedego gu vireya silo nya sadi ga vandriyathu?