Simama gu woneleya gudogoreya gwago

Kha nga vathu nya mba vbeleya, ha gu simama gu dwana gasi gu woneleya gudogoreya gwathu. Ha gu gira gu gola gwathu, kha hi na nga tsakedwa khu Jehovha. khu giyeyedzo, vambe va gu gola ngudzu dzithomba nyo bwe va tsolopeteya wupari wawe ni Nungungulu. Vambe va gu dzi tsakisa khu gu gira wubhayi nya mba dundrugeya khu milayo ya Nungungulu. (Ro 1:26, 27) Vambe va ngu dzumeleya gu kutsedzedwa gu gira silo nya guvivbe gasi va godwa khu dzipari dzawe. — Eks 23:2.

Hi nga woneleya kharini gudogoreya gwathu? Hi yede gu gira ni gevbini hi gi kodzago gasi hi vega gupima ga silo nya liphuvbo. (Mt 4:4) Vbavbandze nya isoso, hi yede gu lomba Jehovha, a hi phasa gu woneleya gudogoreya gwathu. Khu ginani? Kholu uye, a ngu siti esi si gu tshukwana gwathu ni gu a ngu si kodza gu khathaleya esi hi si vbwetago — Ndz 145:16.

YEYEDZA VHIDHYU DZI WONEYE, GU DAHA GU NGA VBEDZA WOMI WAGO, KHU GU LANDREYA GIRA SIWUDZISO SESI:

• 

  Khu ginani vambe vathu va dahago?

• 

  Ginani gi na giregago wa gu daha?

• 

  Khu ginani si vivbidego gu daha? — 2Ko 7:1

• 

  U nga gira kharini gasi u si dahi mwendro gu ema gu daha?