Mutshadhu — Muthu u na vbanyago naye khu tepo nyo laphe

Mutshadhu wu tiyidego, wu ngu zundza Jehovha wu bwe wu ninga litsako mwama ni ngadzi. (Mr 10:9) Gasi gu Makristo ma mana lipangu nya gupindruge na ma tsakide, ma yede gu thumisa matshina nya milayo nya Bhibhiliya, tepo ma hathago pari nya wugadzi.

U nga namorari muthu na wu si gu vidzwi khu mapimoni, tepo eyi gudogoreya nya gu thumise sivbangu nya wuvelegi, gu gu ni tshivba, kholu isoso, si nga gu gira u si hathi gwadi oyu u na tshadhago naye. (1Ko 7:36) Na wu si gu tshadhi, thumisa gwadi tepo yoyo, u tiyisa wupari wago ni Nungungulu u bwe u tshukwadzisa makhalelo nya wuKristo. Khu kharato, u na ba u dongide gasi gu gira gipandre gyago, gasi u manega ni mutshadho wu tiyidego.

Na wu si hungi gu tshadha ni muthu yoyo, dzi ninge tepo nyo muti gwadi “edzi a gu idzo khu monyoni.” (1Pe 3:4 NM) Wa gu tshuka u kanakana khu silo nyo khaguri, bhulani khiso. Ga mutshadhu wago, u yede gu vega ngudzu gupima ga esi u na girago na siri ga esi u na giredwago. (Flp 2:3, 4) Wa gu thumisa matshina nya milayo nya Bhibhiliya na wu si gu tshadhi, si na gu phasa gu dzi dongiseya gwadi, gasi u mana litsako pangoni.

YEYEDZA VHIDHYU, OYU A DUNDRUGEYAGO GU TSHADHA — GIPANDRE 3: “KHALA VBAVBATSHI U WONA DZITSAPAWU U GU NADZO,” KHU GU LANDREYA GIRA SIWUDZISO SESI:

• Namoru ya ndriyathu moyo nya nyamayi ni Shane, yi gimbide kharini?

• Gasi gu namoru yawe yi simama, ginani egi ndriyathu nya nyamayi a mu embedego?

• Vavelegi va ndriyathu nya nyamayi, va mu phaside kharini nigu gilo muni nya gyadi a hungidego gu gira?