Emisana ni gigaradzo nyo hamuge silo nya gudzivbanyise khiso nu tiyide

Kha si vbevbugi gu vbanya ga matshigu yaya nya gu hegise. Tepo hiyago hi hidzimeya maheso nya magimbidziselo nya silo, sigaradzo si na endzeya. Ga tepo yoyo, hi na tshuka hi hamuga silo nyo khaguri. (Hab 3:16-18) Ginani gi na hi phasago gu emisana ni gigaradzo nyo hamuge silo nya gudzivbanyise khiso na hi tiyide? Hi yede gu simama hi tumba Jehovha Nungungulu wathu. Uye tumbiside gu khathaleya sithumi saye nigu a na hi khathaleya ni ga gevbini giyemo. — Ndz 37:18, 19; Heb 13:5, 6.

Esi u nga girago:

• Lomba sileletelo ga Jehovha, guti ni giphaso gyaye. — Ndz 62:8

• Dzi emiseye gu gira thumo nya gu u di si gu giri. — g 1/10 paj. 8, ndri. 1 ni kwadru

• Simama gu dzihodzisa khu liphuvboni, si patago gu leri Bhibhiliya tshigu ni tshigu, u patega mitshanganoni nya libandla ni thumoni nyo tshumayele

YEYEDZA VHIDHYU VBAHA NDRANGA YI NA TIMISEYAGO — “NENGELANI KHU ESI MU GU NASO,” KHU GU LANDREYA GIRA SIWUDZISO SESI:

• Sigaradzo muni, esi dzindranga nyo khaguri dzi emisanago naso?

• Ginani gi gu ni lisima ngudzu womini?

• Hi nga va phasa kharini ava va emisanago ni gigaradzo nyo hamuge silo nya gudzivbanyise khiso?