Dziferameta nya lisima nya Vbanya nu tsakide kala gupindruga!

Ina si ngu gu tsakisa gu thumisa dzivhidhyu ni siwudziso nya mawonelo sa omu nya libhuku Vbanya nu tsakide kala gupindruga? Ahanti sipandre “vambe vari khavo,” “zama gu gira esi,” ni “hevbula simbe”? Khu dzevbini dzimbe dziferameta dzi nga gu phasago tepo u gimbidzisago gihevbulo nya Bhibhiliya? — Mt 28:19, 20.

Dzivhidhyu, dziawudhyu ni dzindrima: Wa gu hatha gu gimbidzisa gihevbulo nya Bhibhiliya khu gu thumisa libhuku nya gughandlwe, u nga si kodza kharini gu mana dzatshavbo dzivhidhyu ni mambe mabhuku? Umo nya libhuku li gomogo omu nya Jw Library avbo nya 4 sipandre u na thitha gimwegyo. Mahegiso nya gipandre u na thithago, thitha avba va nga pwani dzivhidhyu, dziawudhyu ni dzindrima u na mana satshavbo sa avba nya gipandre gyogyo. (wona fotu 1.)

“Versão impressa”: Wa gu ba u hevbula ni muthu khu gu thumisa libhuku li gomogo umo nya Library, u nga mana giphaso nyo engedzelege avbo nya gipandre “versão impressa.” Umo nya gihevbulo, u na thitha avbo nya sipontwana siraru si gomogo khu nyamudye gasi u mana gipandre “versão impressa.” Gipandre gegi, gi na gu phasa gu pwisisa gu yelana gu gomogo nya esi mu bhulago khiso ni hungo nya mahungu nya gihevbulo. Gasi gu bweleya gambe avbo nya “versão digital” thitha gambe avbo nya sipontwana sile nya siraru gasi u hongola avbo nya gipandre “versão digital”.

“Ina nyi dongide?”: Dzikwadru dzedzi dzomo mahegiso nya gipandre 4, idzo dza gu tshamuseya makhalelo ma vbwetegago gasi gu tshumayela ni libandla ni gu bhabhatiswa. (wona fotu 2.)

“Mitshamuselo”: Gipandre gegi, gi ni mitshamuselo nya dzipontu nyo khaguri nya lisima. Avbo nya libhuku li gomogo umo nya Library li na ni dzilink dzi gomogo mahegiso nya nota ni nota dzi na gu phasago gu bweleya ga pontu mu nga ba mu bhula khiyo. (wona fotu 2.)