Jehovha kha divali thumo hi girago khu gudzigaradza

Dzimbe dzitepo, tepo hi girago thumo nyo khaguri vambe vathu kha va wu ningi lisima ni gu va ngu vbiredza gu wu divala. Ahanti thumo wathu hi gireyago Jehovha ke? Nungungulu wathu, a ngu ninga ngudzu lisima thumo hi wu girago nigu gima kha divaledwi khu gudzigaradza hi gu girago gasi gu mu thumeya. ambari ho tshangana ni sigaradzo nya madwali ma hi girago hi si kodzi gu gira silo nyo khaguri, Jehovha gima kha na nga hi diga. — Heb 6:10.

YEYEDZA VHIDHYU JEHOVHA KHA DIVALI, KHU GU LANDREYA GIRA SIWUDZISO SESI:

• Ndriyathu Hibshman thumide kharini khu gudzigaradza, ga mithumo nyo hambanehambane a giridego thumoni wa Jehovha?

• Jehovha dundrugide kharini ndriyathu Hibshman hwane nya gu ba na fedwe khu mwangadzi waye ni hwane nya gu ba a si kodzi gu gira mithumo nyo khaguri khu kotani nya tanga?

• Thumo nya tepo yatshavbo wa ndriyathu Hibshman wo dugeleya kharini? — Mav 10:22