Milombelo yathu khya lisima ga Jehovha

Milombelo nyo dzumelege yi ngu fana ni libani nyo nungeye li nga ba li vbisedwa tepo yatshavbo mbeli nya Tempele ya Jehovha. (Ndz 141:2) Tepo hi yeyedzago lihaladzo ni gu bonga papayi wathu wa ndzadzini, hi mu embeya gu garadzega gwathu, esi hi si vbwetago ni gu hi mu lomba sileletelo, ho yeyedza gu khethu hi ngu ninga lisima wupari wathu naye. Khu lisine, Jehovha a ngu wona milombelo nyo role yi girwago mitshanganoni yathu kha nga gipandre nya lisima nya wukhozeyi wathu. Ambari ulolo, Jehovha, a ngu tsaka ngudzu tepo omu nya milombelo yathu honga hi mu tuleyago myonyo yathu ni gu bhula naye khu tepo nyo laphe. — Mav 15:8.

YEYEDZA VHIDHYU NOMBELO, GILO NYA LISIMA GWANGU, KHU GU LANDREYA GIRA SIWUDZISO SESI:

• Malungelo muni ndriyathu Johnson a nga ma mana?

• Ndriyathu Johnson, tumbide kharini Jehovha khu nombelo?

• Ginani u gi hevbulago ga matshango ya ndriyathu Johnson?