19-25 NYA FEVEREIRO

NDZIMO 8–10

Ndzimo 2 ni nombelo | Malito nyo tule (1 men.)

DZITHOMBA NYA LITO LA NUNGUNGULU

1. “Nyi na gu bonga [Jehovha]”!

(10 dzimen.)

Jehovha a hi girede silo nya sadi (Ndz 8:3-6; w21.08 paj. 3, par. 6)

Ethu hi ngu tsaka ngudzu khu gu dhumisa Jehovha tepo hi bhuleyago vambe khu mithumo yaye nyo mbure (Ndz 9:1; w20.05 paj. 23, par. 10)

Ethu gambe ha gu mu dhumisa tepo hi embeleyago dzindzimo khu monyo wathu watshavbo (Ndz 9:2; w22.04 paj. 7, par. 13)

Dzifotu: Dzindziya hi nga dzi thumisago gasi gu dhumisa Jehovha. 1. Ndriyathu a dandridego khu tanga a tshumayelago nyamayi nyo khaguri a mu khathaleyago. 2. Vandriyathu va embago mitshanganoni. 3. Muphya a khusedzago libogo gasi gu hlamula mitshanganoni. 4. Ndriyathu nya muphya a phasedzeyago gu agisa Salawu nya Mufumo. 5. Muphya nyo khaguri a tshumayelago xikwatuno.

DZI WUDZISI GU KHUWE: ‘Khu dzevbini dzimbi dzindziya nyi nga dzi thumisago gasi gu dhumisa Jehovha?’

2. Kemba dzithomba nya liphuvbo

(10 dzimen.)

Ndz 8:3, NM — Ginani egi muembi nya dzindzimo a nga ba a vbweta gu ganeya tepo a nga ganeya khu dzinyala dza Nungungulu? (it-1 paj. 664)

Hlamulo wago
Dzithomba muni nya liphuvbo u dzi manidego avba nya guleri nya Bhibhiliya nya semana yeyi?

Hlamulo wago

3. Gulerwi nya Bhibhiliya

(4 dzimen.) Ndz 10:1-18 (th gihevbulo 11)

DZI GARADZE THUMONI NYO TSHUMAYELE

4. Gupheya mabhulo

(3 dzimen.) KHU NDRANGA NI NDRANGA. Muni dranga a gu ganeya gu khuye kha khodwi ga Nungungulu. (lmd gihevbulo 5 pontu 4)

5. Haguleya gutsakeya

(4 dzimen.) GUTSHUMAYELA NYA GITHUGEDZA. Ga mabhulo ma vbindridego muthu nyo khaguri a di gu embeya gu khuye kha khodwi ga Nungungulu, ganiolu uye a dzi emisede guti esi si yeyedzago gu khiso khu lisine womo muvangi. (th gihevbulo 7)

6. Ganelo

(5 dzimen.) w21.06 dzipaj. 6-7, dzipar. 15-18 — Hungo nya mahungu: Phasa gihevbulo gyago nya Bhibhiliya gu dhumisa Jehovha. (th gihevbulo 10)

MAVBANYELO NYA WUKRISTO

Ndzimo 10

7. Hi nga tshumayela kharini khu githugedza khu ndziya nyo vbevbugi

(10 dzimen.) Ganelo yi patago gu bhula ni vaengiseyi.

Ndziya nyo vbevbugi hi nga dhumisago khiyo Jehovha, khu gu tshumayela ava hi va manago tshigu ni tshigu tepo hi girago mithumo yathu. (Ndz 35:28) Gupheyani hi nga tshuka hi garadzega tepo hi tshumayelago khu githugedza. Ganiolu, tepo hi hevbuleyago gu pheya mabhulo ni gu simama gu manega ni mabhulo khu ndziya nyo vbevbugi, si nga hi vbevbugeya ni gu tsaka khu gu gira isoso.

Fotu nya vhidhyu yi gu khiyo: “Khala na wu dongide gu tshumayela ‘mahungu nya yadi nya gu rule’ —⁠ Pheya khuwe gu pheya mabhulo.” Ndriyathu a gomogo restaurante a pheyago mabhulo ni nyamayi a khadego vbafuvbi gwaye.

Yeyedza VHIDHYU Khala na wu dongide gu tshumayela “mahungu nya yadi nya gu rule” — Pheya khuwe gu pheya mabhulo. Khu gu landreya gira giwudziso gegi:

Ginani u gi hevbudego avba nya vhidhyu yeyi gi nga gu phasago gu tshukwadzisa gu tshumayela khu githugedza?

Hlamulo wago

Dzipontu dzi landreyago dzi nga gu phasa gu tshumayela khu githugedza:

Vbwetedzeya dzindziya gasi gu pheya mabhulo ni ga yevbini tepo u dugago khu drangani. Gombeya khiso, lomba Jehovha gasi a gu phasa gu mana muthu a na gu engiseyago
Khala pari ya muthu yoyo, u bwe u yeyedza gu khuwe u ngu khathala khuye. Zama guti edzi a gu idzo muthu yoyo, isoso si na gu phasa gu hatha lisine nya Bhibhiliya adzina saye a li golago
Vbwetedzeya dzindziya nya gu mane numeru yaye sa gu kodzega
U nga vbeyi tshivba ma gu vbeya mabhulo nu si tshumayeli
Dundruga khoyu u bhudego naye. Simama gu yeyedza gu khuwe u ngu khathala khuye khu gu mu rumeleya linki nya livhesi nyo khaguri nya Bhibhiliya mwendro ndrima nyo khaguri yi gomogo umo nya jw.org

Zama gu gira esi: Muthu a gu gu wudzisa gu khuye: ‘Semana yago yi gimbide kharini?,’ mu embeye esi u hevbudego mitshanganoni mwendro edzi u girago khidzo thumo wago nyo tshumayele.