29 NYA JULHO–4 NYA AGOSTO
NDZIMO 69
Ndzimo 13 ni nombelo | Malito nyo tule (1 men.)
1. Esi si giregedego Jesu si profetidwe kharini omu ga Ndzimo 69
(10 dzimen.)
Jesu a di nyenywa nya mba na gighelo (Ndz 69:4; Joh 15:24, 25; Mukhedziseyi 15/08.11 paj. 11, par. 17)
Jesu a di gu yeyedza sighingi khu wukhozeyi nya lisine (Ndz 69:9; Joh 2:13-17; Mukhedziseyi 15/12/10 dzipaj. 8-9, dzipar. 7-8)
Jesu a di vbisega a bwe a ningwa vhinyu nyo patwe ni silo nyo vave (fel) (Ndz 69:20, 21; Mt 27:34; Lu 22:44; Joh 19:34; Khendzugani! 22/10/95 paj. 31, par. 4; Perspicaz-2 paj. 660)
DUNDRUGEYA KHESI: Khu ginani Jehovha a nga pata siprofeto si ganeyago khu Mesiya omu nya Milowo nya Gihebheru?
2. Kemba dzithomba nya liphuvbo
(10 dzimen.)
Ndz 69:30, 31 — Mavhesi yaya, ma nga hi phasa kharini gu tshukwadzisa milombelo yathu? (Mukhedziseyi 15/1/99 paj. 18, par. 11)
Dzithomba muni nya liphuvbo u dzi manidego avba nya gu leri nya Bhibhiliya nya semana yeyi?
3. Gulerwi nya Bhibhiliya
(4 dzimen.) Ndz 69:1-25 (Gu hevbudza gihevbulo 2)
4. Laphisa monyo — Ginani Jesu a nga gira?
(7 dzimen.) Ganelo yi patago gu bhula ni vaengiseyi. Yeyedza VHIDHYU, nigu khu gu landreya bhulani khu libhuku Haladza vathu gihevbulo 8, dzipontu 1-2.
5. Laphisa monyo — Pimedzeya Jesu
(8 dzimen.) Bhulani khu libhuku Haladza vathu gihevbulo 8, dzipontu 3-5 ni “Wona gambe.”
Ndzimo 134
6. Esi si yedego gu khathaledwa libandlani
(5 dzimen.)
7. Matshina hi nga ma thumisago avba nya Wukhozeyi nya ndranga
(10 dzimen.) Ganelo yi patago gu bhula ni vaengiseyi.
Khu Janeiro nya 2009, libhuku nya gihevbulo nya Bhibhiliya nya libandla li di patwa avbo nya Xikola nya Wuthumeli wa Nungungulu, omu nya tshangano wa vbakari nya semana. Isoso si ningide lithomo dzindranga gasi dzi manega ni wukhozeyi nya ndranga gumogo khu semana vbawutshigutuno. Nya vangi va tsakide khu malulamiselo yaya ma nga va phasa gu hidzimeya ga Jehovha ni vambe. — Dhet 6:6, 7.
Khu yavbini matshina nya milayo ma nga phasago mihungo nya dzindranga gu gira gwadi wukhozeyi nya ndranga tepo yatshavbo?
Simama gu gira wukhozeyi nya ndranga tepo yatshavbo. Sa gu kodzega dzi vegeye tepo gasi gu gira wukhozeyi nya ndranga semana ni semana. Dzi dongiseye u bwe u vega limbe litshigu gasi gu gira wukhozeyi nya ndranga wa gu tshuka u manwa khiso.
Dzi dongiseye. Wudzisa mwangadzi wago ni sanana sago mawonelo nya esi mu vbwetago gu hevbula khiso. Kha si lombi gu u donga khu tepo nyo laphe, ngudzu-ngudzu abari gu ndranga yago yi ngu gola gu gira silo mu oloveyago gu gira ga dzimbe dzisemana avbo nya wukhozeyi nya ndranga.
Dzi pwananise ni longoloko nya ndranga yago. Tepo sanana sago si dandrago, esi va si vbwetago ni makodzelo yawe ma ngu vbindrugedza. Longoloko wanu, wu yede gu phasa moyo ni moyo wa ndrangani gwanu gu manega ni wupari nyo tiye ni Jehovha.
Gira gihevbulo nyo tsakise gi yeyedzago lihaladzo. Dzimbe dzitepo, girani wukhozeyi nya ndranga vbavbandze, gwa gu ba gu gide gwadi. Sa gu kodzega, girani wukhozeyi nya ndranga na mu gu emanyana. Vega gupima avbo nya sigaradzo sanana sago si tshanganago naso, ganiolu u nga thumisi wukhozeyi nya ndranga gasi gu si vbenyeleya mwendro gu si kawuka.
Hevbulani khu silo nyo hambane-hambane. Khu giyeyedzo, mu nga dongiseyani gipandre nyo khaguri gi na hevbudwago ga mitshangano yi landreyago, mu nga sixitirini mwatshavbo vhidhyu yi gu romo omu nya jw.org ni gu dongiseya esi mu na ganeyago thumoni nyo tshumayele. Ambari olu mabhulo yoyo ma yedego gu gira gipandre nya wukhozeyi nya ndranga, u nga tshiya tepo gasi sivbango nya ndranga yago si gira gihevbulo nya muthu enga.
Bhulani khu giwudziso gegi:
Wa gu ma thumisa kharini matshina nya milayo avbo nya wukhozeyi wanu nya ndranga?
8. Gihevbulo nya Bhibhiliya nya libandla
(30 dzimen.) Mukhedziseyi 08.18 - Ndrima 4 dzipar. 1-11