19-25 NYA AGOSTO
NDZIMO 75–77
Ndzimo 120 ni nombelo | Malito nyo tule (1 men.)
1.Khu ginani u gu mba yela gu dzi khusedza?
(10 dzimen.)
Vale va dzi khusedzago kha va tsakise Nungungulu (Ndz 75:4; 1Tm 3:6; Mukhedziseyi 01.18 paj. 28, dzipar. 4-5)
Ni wevbini thumo hi ningwago libandlani, giningwa gitago khiyo ga Jehovha (Ndz 75:5-7; Mukhedziseyi 15/7/06 paj. 11, par. 2)
Vatshavbo vale va dzi khusedzago, nya nga dzipfhumu nya litigo leli dzi na vegwa vbavbatshi khu Jehovha (Ndz 76:12)
2. Kemba dzithomba nya liphuvbo
(10 dzimen.)
Ndz 76:10 — “Likhulo nya muthu” li nga rungudza kharini Jehovha? (Mukhedziseyi 15/7/06 paj. 11, par. 3)
Dzithomba muni nya liphuvbo u dzi manidego avba nya gu leri nya Bhibhiliya nya semana yeyi?
3. Gulerwi nya Bhibhiliya
(4 dzimen.) Ndz 75:1–76:12 (Gu hevbudza gihevbulo 11)
4. Gupheya mabhulo
(3 dzimen.) GUTSHUMAYELA NYA GITHUGEDZA. Yeyedza vhidhyu yi gomogo omu nya jw.org muthu nyo khaguri khu lidimi a nga li tsakeya. (Haladza vathu gihevbulo 1, pontu 4)
5. Gupheya mabhulo
(4 dzimen.) KHU NDRANGA NI NDRANGA. Dzi pwananise ni giemo u bwe u u ganeya khu ndziya nya yadi a gu tshuka muthu nyo khaguri a ganeya gu khuye kha khodwi ga Nungungulu. (Haladza vathu gihevbulo 2, pontu 5)
6. Gira Vapizane
Ndzimo 127
7. Khala muthu nyo tumbege tepo u zundzwago
(7 dzimen.) Ganelo yi patago gu bhula ni vaengiseyi.
Yeyedza VHIDHYU Khala muthu nya gutumbege kha nga Jesu — Wa gu zundzwa. Khu gu landreya, gira giwudziso gegi:
Ginani u gi hevbulago khesi Sergei a giridego tepo a nga zundzwa khu vambe?
8. Lidima nyo hathege gasi gu pheya sihevbulo nya Bhibhiliya khu Setembro khu gu thumisa libhuku Vbanya nu tsakide kala gupindruga!
(8 dzimen.) Ganelo yi na vegwago khu muwoneleyi nya thumo nyo tshumayele. Ganeya khu ndziya nyo tsakise maningano khu lidima lolo u bwe u ganeya khu malulamiselo ma na girwago gipandreni gwanu.