16-22 NYA SETEMBRO

NDZIMO 85–87

Ndzimo 41 ni nombelo | Malito nyo tule (1 men.)

DZITHOMBA NYA LITO LA NUNGUNGULU

Pfhumu Dhavhidhe a gombeyago khu monyo waye watshavbo.

1. Nombelo wu ngu hi phasa gu timiseya

(10 dzimen.)

Lomba Jehovha gasi a gu ninga gutsaka (Ndz 86:4)

Lomba Jehovha gasi a gu phasa gu simama gu tumbega (Ndz 86:11, 12; Mukhedziseyi 15/5/12 paj. 25, par. 10)

Tumba gu khuwe Jehovha a na hlamula milombelo yago (Ndz 86:6, 7; Mukhedziseyi 05.23 paj. 13, dzipar. 17-18)

DZI WUDZISE GU KHUWE: ‘Tepo nyi tshanganago ni sigaradzo, ina nyi ngu gombeya tepo yatshavbo nigu milombelo yangu yi laphide?’ — Ndz 86:3.

2. Kemba dzithomba nya liphuvbo

(10 dzimen.)

Ndz 86:11 — Hi nga yeyedza kharini githawo Jehovha khu monyo wathu watshavbo? (Mukhedziseyi 06.20 paj. 13, dzipar. 17, 18)

Hlamulo wago
Dzithomba muni nya liphuvbo u dzi manidego avba nya gu leri nya Bhibhiliya nya semana yeyi?

Hlamulo wago

3. Gulerwi nya Bhibhiliya

(4 dzimen.) Ndz 86:1–87:7 (Gu hevbudza gihevbulo 12)

DZI GARADZE THUMONI NYO TSHUMAYELE

4. Gupheya mabhulo

(3 dzimen.) GUTSHUMAYELA NYA GITHUGEDZA. Bhuleya mune ndranga khu gihevbulo nya Bhibhiliya. (Haladza vathu gihevbulo 3, pontu 5)

5. Haguleya Gutsakeya

(4 dzimen.) GUTSHUMAYELA NYA GITHUGEDZA. Bhuleya muthu nyo khaguri khu gihevbulo nya Bhibhiliya, a nga yeyedza gale gu khuye o garadzega khu gilo nyo khaguri gi nga girega. (Haladza vathu gihevbulo 7, pontu 4)

6. Gira vapizane

(5 dzimen.) Vbanya kala gupindruga gihevbulo 15, pontu 5. Bhula ni gihevbuli gyago khu malulamiselo mu na girago gasi gi simama gu hevbula ga semana yi landreyago u na gu ba uri mwalo. (Haladza vathu gihevbulo 10, pontu 4)

MAVBANYELO NYA WUKRISTO

Ndzimo 83

7. U nga digi gu timiseya

(5 dzimen.) Ganelo yi patago gu bhula ni vaengiseyi.

Yeyedza VHIDHYU. Khu gu landreya gira siwudziso sesi:

Khu ginani dzimbe dzitepo hi dzipwago gu khatshi hi na tsukula gu tshumayela?

Hlamulo wago
Khu ginani hi gu mba yela gu vbeya tshivba?

Hlamulo wago

8. Simama gu bhuleya vambe khu gihevbulo nya Bhibhiliya!

(10 dzimen.) Ganelo yi patago gu bhula ni vaengiseyi.

Ndriyathu nya nyamayi a tshumayelago nyamayi nyo khaguri na va gu vireya xapa.

Patwa nya Dzifakazi wu huweleyago “Gihevbulo nya Bhibhiliya nya mahala” tepo khiyo nyamayi nyo khaguri a khedzago gikarinyana.

Patwa wa gu tshumayela khu ndranga ni ndranga, na wu gu ningeya broxura “Vbanya nu tsakide kala gupindruga!” mwama nyo khaguri.

Ina u phede gu gimbidzisa gihevbulo nya Bhibhiliya khu gu thumisa broxura Vbanya nu tsakide kala gupindruga! ga ngima wowu nya lidima? Abari gu ina, adzina saye u tsakide! Adzina saye, vambe va ngu tiyiswa khu mihandro u yi manago. Ganiolu, wa gu ba u si pheyi gu gimbidzisa gihevbulo nya Bhibhiliya, adzina u ngu dzi wudzisa gu khuwe u na wuyedwa khu gudzigaradza u gu girago. U nga gira ginani wa gu vbeya tshivba khu kotani nya olu u nga si pheyigo gu gimbidzisa gihevbulo nya Bhibhiliya?

Yeyedza VHIDHYU “Ga satshavbo hi ngu dzi wonegisa gukhethu hi sithumi sa Nungungulu . . . khu gu laphisa monyo” — Tepo hi tshumayelago. Khu gu landreya gira siwudziso sesi:

2 Vakorinto 6:4, 6 a na hi phasa kharini ha gu wona gu khethu thumo wathu nyo tshumayele kha wu dugeleyi?

Hlamulo wago
Gu vbindrugedza muni hi yedego gu gira, ha gu dzipwa gu khatshi gudzigaradza hi gu girago nya gu pheye gihevbulo nya Bhibhiliya kha gu theyi mihandro?

Hlamulo wago

Dundruga gu khuwe litsako lathu kha li dzi seketeyi avba nya sihevbulo hi gu naso mwendro hi gimbidzisago. Wulangani nya isoso, litsako handro nya gu dziti gu khethu Jehovha a ngu tsaka khu gudzigaradza hi gu girago. (Lu 10:17-20) Khu kharato, simama gu patega avba nya lidima leli nyo hathege khu monyo wago watshavbo, na wu gu dziti gu khuwe “thumo wa[go] nya gu dzi garadze Pfhumuni khandri wa mahala.” — 1Ko 15:58.

9. Gihevbulo nya Bhibhiliya nya libandla

(30 dzimen.) Mukhedziseyi 09.18 – Ndrima 3 dzipar. 13-20 ni siwudziso nyo wusedze