7-13 NYA OUTUBRO
NDZIMO 92–95
Ndzimo 84 ni nombelo | Malito nyo tule (1 men.)
1. Gu thumeya Jehovha, ndziya nya yadi gasi gu vbanya khiyo!
(10 dzimen.)
Jehovha a ngu yedwa gu khozedwa (Ndz 92:1, 4; Mukhedziseyi 04.18 paj. 26, par. 5)
Uye a gu phasa vathu vaye gu hunga makungo nya yadi va bwe va tsaka (Ndz 92:5; Mukhedziseyi 11.18 paj. 23, par. 8)
Uye a ngu ninga lisima vale va mu thumeyago ambari na va gu dandride khu tanga (Ndz 92:12-15; Mukhedziseyi 01.20 paj. 19, par. 18)
DZI WUDZISI GU KHUWE: ‘Ginani gi nyi himbedzeyago gu dzi hendzeledza ga Jehovha ni gu bhabhatiswa?’
2. Kemba dzithomba nya liphuvbo
(10 dzimen.)
Ndz 92:5 — Malito yaya ma gu yeyedza kharini wuti wa Jehovha? (Achegue-se a Jeová paj. 176, par. 18)
Dzithomba muni nya liphuvbo u dzi manidego avba nya gu leri nya Bhibhiliya nya semana yeyi?
3. Gulerwi nya Bhibhiliya
(4 dzimen.) Ndz 94:1-23 (Gu hevbudza gihevbulo 5)
4. Gupheya mabhulo
(4 dzimen.) GUTSHUMAYELA NYA GITHUGEDZA. Vbwetedzeya lithomo nya bhuleye muthu nyo khaguri khu thumo u girago kha nga muhevbudzi nya Bhibhiliya. (Haladza vathu gihevbulo 5, pontu 3)
5. Haguleya Gutsakeya
(3 dzimen.) GUTSHUMAYELA NYA GITHUGEDZA. Bhuleya muthu nyo khaguri khu gihevbulo nya Bhibhiliya a nga bomba gihevbulo gale. (Haladza vathu gihevbulo 8, pontu 4)
6. Gira vapizane
(5 dzimen.) Bhula ni gihevbuli gyago nya Bhibhiliya gi gu mba tshunguhedza. (Haladza vathu gihevbulo 12, pontu 5)
Ndzimo 5
7. Tepo vaphya va garadzegago
(15 dzimen.) Ganelo yi patago gu bhula ni vaengiseyi.
Vale va thumeyago Jehovha anavo va ngu garadzega. Khu giyeyedzo, Dhavhidhe garadzegide dzitepo nya dzingi womini gwaye, nigu vandriyathu muhuno va ngu tshangana ni silo sasimweso. (Ndz 13:2; 139:23) Nya mba tsakisa khu gu vaphya va ngu garadzega. Dzimbe dzitepo, gu garadzega gu nga kuha mithumo hi girago tshigu ni tshigu, nya nga gu hongola xikwatuno mwendro mitshanganoni. Gu nga hi gira gambe hi manega ni hwanga mwendro gu manega ni mapimo nya gu vbweti gu dzi songa.
Vaphya, mwa gu tshuka mu garadzega ngudzu bhuleyani vavelegi vanu mwendro muthu a vidzidwego. U nga lomba gambe giphaso Jehovha. (Flp 4:6) Uye a na gu phasa. (Ndz 94:17-19; Isa 41:10) Wona giyeyedzo gya Steing.
Yeyedza VHIDHYU Jehovha a nyi khathalede. Khu gulandreya gira siwudziso sesi:
• Livhesi muni li phasidego Steing, nigu khu ginani?
• Jehovha a mu khathalede khu ndziya muni?
Vavelegi, mu nga phasa sanana sanu gu pala gu garadzega khu gu si engiseya gwadi, gu si yeyedza lihaladzo ni gu si phasa gu tumba lihaladzo la Jehovha. (Tit 2:4; Jak 1:19) Tumba gu khuwe Jehovha a na gu thaveleya ni gu gu ninga tshivba u yi vbwetago gasi gu phasa sanana sago.
Adzina saye kha hi na nga yiti tepo ndriyathu nyo khaguri a garadzegago libandlani mwendro edzi a dzipwago khidzo. Khu kharato, hi nga phasa vatshavbo vandriyathu libandlani gasi va dzipwa na va gu haladzwa ni gu hoyozedwa. — Mav 12:25; Heb 10:24.
8. Gihevbulo nya Bhibhiliya nya libandla
(30 dzimen.) Mukhedziseyi 09.18 - Ndrima 5 dzipar. 1-10