28 NYA OUTUBRO–3 NYA NOVEMBRO

NDZIMO 103–104

Ndzimo 30 ni nombelo | Malito nyo tule (1 men.)

DZITHOMBA NYA LITO LA NUNGUNGULU

1. Uye a ngu dundruga gu khuye ‘hi kudzudzwani’

(10 dzimen.)

Pweya-wusiwana wa Jehovha wu ngu hi kutsa gu dzi vbevbugisa (Ndz 103:8; Mukhedziseyi 07.23 paj. 21, par. 5)

Uye kha hi tsukuli tepo hi girago sihoso (Ndz 103:9, 10; Mukhedziseyi 09.23 dzipaj. 6-7, dzipar. 16-18)

Uye kha vireyi gu khuye hi gira silo si gu mwalo tshivbani gwathu (Ndz 103:14; Mukhedziseyi 05.23 paj. 26, par. 2)

Mwama a engiseyago gwadi mwangadzi waye tepo a mu embeyago edzi a dzipwago khidzo.

DZI WUDZISI GU KHUWE: ‘Ina nyi ngu phara pari yangu nya wugadzi khu ndziya yi yeyedzago gu khiyo nyi ngu pimedzeya gudzivbevbugisa ga Jehovha?’

2. Kemba dzithomba nya liphuvbo

(10 dzimen.)

Ndz 104:24 — Livhesi leli la gu hi hevbudza ginani khu tshivba ya Jehovha nya gu vangi silo nya siphya ni silo nyo hambane-hambane? (Achegue-se a Jeová paj. 55, par. 18)

Hlamulo wago
Dzithomba muni nya liphuvbo u dzi manidego avba nya gu leri nya Bhibhiliya nya semana yeyi?

Hlamulo wago

3. Gulerwi nya Bhibhiliya

(4 dzimen.) Ndz 104:1-24 (Gu hevbudza gihevbulo 11)

DZI GARADZE THUMONI NYO TSHUMAYELE

4. Gupheya mabhulo

(3 dzimen.) GU TSHUMAYELA VBAGUAGANE. (Haladza vathu gihevbulo 3, pontu 4)

5. Haguleya Gutsakeya

(4 dzimen.) KHU NDRANGA NI NDRANGA. Bhulani khu vhidhyu yi gu khiyo Hi ngu gu hoyozeya avba nya gihevbulo nya Bhibhliya ni muthu nyo khaguri a nga dzumeya gihevbulo nya Bhibhiliya. (Gu hevbudza gihevbulo 9)

6. Ganelo

(5 dzimen.) Haladza vathu Apêndice A pontu 6 — Hungo nya mahungu: Mwama gu vbwetega a ‘haladza mwangadzi waye nga edzi a dzi haladzago khidzo uye mune.’ (Gu hevbudza gihevbulo 1)

MAVBANYELO NYA WUKRISTO

Ndzimo 44

7. Ina u ngu guti gu hegedwa gwago?

(15 dzimen.) Ganelo yi patago gu bhula ni vaengiseyi.

Gu gireya Jehovha satshavbo hi si kodzago si ngu mu tsakisa, nigu si ngu hi reseya nethu litsako. (Ndz 73:28) Khu kharato, ha gu zama gu gira nya singi nya mba khedza gu hegedwa gwathu, hi nga garadzega ni gu khunguvanyega.

Ndriyathu nya muphya a nga yeyedzwa avba nya vhidhyu “Hi nga gira nya singi ha gu ninganiseya.”

Yeyedza VHIDHYU Hi nga gira silo nya singi ha gu ninganiseya. Khu gulandreya gira siwudziso sesi:

Jehovha o vireya ginani gwathu? (Mik 6:8)

Hlamulo wago

Gipandre nyo khaguri nya vhidhyu “Hi nga gira nya singi ha gu ninganiseya.” Ndriyathu nya muphya ni pari yaye va tiyisago gihevbuli nya Bhibhiliya.

Ginani gi phasidego ndriyathu nya muphya gu mba garadzega ngudzu gasi gu vboheya misuwo yaye?

Hlamulo wago

HI NGA TUGULA KHARINI GU HEGEDWA GWATHU?

Potsa gu dzi fananisa ni vambe. (Ga 6:4) U nga dzumeleyi vambe va woneleya esi u girago ni esi u pimisago. Si ngu kodzega gu u gu gira silo nya singi mwendro nya sidugwana guvbindra esi si girwago khu muthu nyo khaguri a gu na ni tanga yayimweyo nago mwendro a gomogo ga giemo nyo fane ni gyago
U nga dzumeleyi gu khuwe hwanga wu gu himbedzeya gu gira silo nya siphya. (Ro 12:1; 1Ko 7:31) U nga thavi gu gira thumo nyo khaguri, gupheyani u wu pimisago gu khuwe kha wu na nga si kodza gu wu vboheya mwendro kha wu na nga gu ninga litsako. — Mal 3:10
Tugula esi u nga girago, khu gu dzi vegeya misuwo u na yi kodzago gu yi vboheya khu tepo nyo role. Khu giyeyedzo, ina u nga si kodza gu thuma kha nga piyoneru nya tepo yatshavbo? Khu ginani u gu mba zama gu engedzeya tepo u yi vbedzago thumoni nyo tshumayele mwendro gu thuma kha nga piyoneru nyo phasedzeyi khu migima nyo khaguri? Ina u nga zama gu thuma kha nga piyoneru nya tepo yatshavbo khu mwaga mowo? Ambari wa gu wona gu khuwe kha wu na nga si kodza gu thuma kha nga piyoneru guvbindra mwaga mowo, u na tsaka khu misuwo nya yidugwana u nga yi kodza gu hi vboheya. — Muh 6:9
Dzi emiseye gu dzi pwananisa ni giemo. Siemo sathu si ngu vbindrugedza, nigu gu hegedwa gwathu nugo. Khu kharato, tepo yatshavbo gevesisa misuwo yago

8. Gihevbulo nya Bhibhiliya nya libandla

(30 dzimen.) Mukhedziseyi 10.18 - Ndrima 1 dzipar. 12-19 ni siwudziso nyo wusedze