18-24 NYA AGOSTO
MAVINGU 27
Ndzimo 102 ni nombelo | Malito nyo tule (1 men.)
1. Ha gu wuyedwa kharini khu gu manega ni dzipari nya lisine
(10 dzimen.)
Dzipari nya lisine dzi na hi ninga wusingalagadzi hi wu vbwetago (Mav 27:5, 6; Mukhedziseyi 09.19 paj. 5, par. 12)
Dzipari nya lisine dzi nga dzi emiseya gu hi phasa guvbindra valongo vathu (Mav 27:10; Perspicaz-2 paj. 1215, par. 5)
Dzipari nya lisine dzi ngu hi phasa gu khala vathu nya vadi (Mav 27:17; Mukhedziseyi 09.23 paj. 10, par. 7)
2. Kemba dzithomba nya liphuvbo
(10 dzimen.)
Mav 27:21 — Khu ginani gu ningwa wuzundzo si nga hi lingago? (Mukhedziseyi 15/09/06 paj. 19, par. 12)
Dzithomba muni nya liphuvbo u dzi manidego avba nya gu leri nya Bhibhiliya nya semana yeyi?
3. Gulerwi nya Bhibhiliya
(4 dzimen.) Mav 27:1-17 (Gu hevbudza gihevbulo 5)
4. Gupheya mabhulo
(3 dzimen.) KHU NDRANGA NI NDRANGA. Muthu nyo khaguri a gu beya tshetshe yi gu mba khodwa ga Jesu ni Bhibhiliya. (Haladza vathu gihevbulo 6, pontu 5)
5. Haguleya Gutsakeya
(4 dzimen.) GUTSHUMAYELA NYA GITHUGEDZA. Yeyedza vhidhyu yi gomogo omu nya dziferameta nyo hevbudze khidzo. (Haladza vathu gihevbulo 8, pontu 3)
6. Ganelo
(5 dzimen.) Siwudziso si girwago khu vaphya ndrima 75— Hungo nya mahungu: Nyi nga gira ginani pari yangu ya gu nyi khunguvanyisa? (Gu hevbudza gihevbulo 14)
Ndzimo 109
7. “Gikhatini nya wuvi, ya gu khala ndriyago”
(15 dzimen.) Ganelo yi patago gu bhula ni vaengiseyi.
Jehovha a hi ningide vandriyathu va mafuni gwatshavbo, avbo hi nga manago dzipari nya dzadi. Ambari olu hi nga girago wupari ni vandriyathu nya vangi libandlani, vangani va gu dzipari dzathu dza vbafuvbi? Wupari nyo tiye wa gu wumbwa khu gu pwisisa, gu tumbana, gu bhuleyana edzi mu dzipwago khidzo, gu gira silo mwatshavbo ni gu phasana. Khu kharato, gu gira wupari wa vbafuvbi sa gu lomba tepo ni gudzigaradza.
Leri Mavingu 17:17. Khu gu landreya, gira giwudziso gegi vaengiseyi:
Khu ginani si gu na ni lisima gu gira wupari wa vbafuvbi olu na yi si vbohi tshanisa nya yikhongolo?
Leri 2 Vakorinto 6:12, 13. Khu gu landreya, gira giwudziso gegi vaengiseyi:
Gu thumisa mavhesi yaya si nga hi phasa kharini gu gira wupari?
Yeyedza VHIDHYU NYA DRAMA “Satshavbo si dongiseledwe tepo yaso” — Gu gira wupari si ngu dzega tepo. Khu gu landreya, gira giwudziso gegi vaengiseyi:
Ginani u gi hevbudego maningano ni wupari avba nya vhidhyu?
U nga pheya wupari khu gu hegeya mwendro gu losa muthu nyo khaguri, khu gu landreya u tiyisa wupari wanu khu gu yeyedza muthu yoyo gu khuwe u ngu khathala khuye. Laphisa monyo, kholu gu gira wupari nya lisine si ngu dzega tepo nyo laphe. Kha nga handro wakone, si nga gira gu u manega ni wupari wu na simamago kala gupindruga.
8. Gihevbulo nya Bhibhiliya nya libandla
(30 dzimen.) Hevbula khu Bhibhiliya sihevbulo 10-11