Mawonelo Nya Gihevbulo

Ina u ngu gola gu leri matimo nya guvbanya ya vandriyathu?

Patwa mowo wu lerigo matimo nya guvbanya tshigu ni tshigu dzimindrutuno wari khuwo: “Gu leri dzindrima dzedzi si ngu hi tiyisa nigu si ngu hi gira hi tsaka ngudzu. Idzo dza gu hi dundrugisa gu khidzo anethu hi nga tumbega ambari ho ba hi romo ga gevbini giemo.” Ndriyathu nya nyamayi a dzipwago khu ndziya yayimweyo lovide gu khuye: “Matimo yoyo nya guvbanya ma ngu nyi thaveleya, ma ngu nyi kutsa nigu ma ngu nyi kuha khu ndziya nyo hlamadzise. Womi wa vandriyathu wu na ni makungo ni tshamuselo. Matimo yoyo, ma ngu nyi kutsa gu thuma khu sighingi thumoni nyo tshumayele ni gu tiyisa gyanana gyangu gu beleya thumo nya tepo yatshavbo.”

Matimo nya guvbanya ma nga gu phasa gu thumeya Jehovha khu sighingi, u si vbeyi tshivba u bwe u timiseya sigaradzo nya sikhongolo nu tsakide. Hi nga ma mana hayi matimo yoyo?

• Pesquizari “matimo nya guvbanya” omu nya Bhiblioteka omu nya interneti, Watchtower Library mwendro umo nya jw.org®.

• Beya omu nya sayiti jw.org mwendro gu gira scan nya gifungo