Mawonelo nya gihevbulo nya muthu enga mwendro khu ndranga

Ethu kha hi khozeyi Jehovha tepo basi hi tshanganago ni vandriyathu mitshanganoni, umo nya dziasembleya ni dzikongresu, ganiolu hi ngu mu khozeya honga mwendro khu ndranga. Wona mawonelo nyo khaguri u nga ma thumisago gasi gu gira gihevbulo nya muthu enga mwendro khu ndranga:

• Dzi dongiseye gasi gu hongola mitshanganoni. U nga hevbuleya gu emba dzindzimo ni gu phasa sivbango nya ndranga gu dongiseya mihlamulo yaso.

• Leri matimo nyo khaguri nya Bhibhiliya. Khu gu landreya, dundrugeya khesi u nga leri mwendro gu lova esi u si hevbudego.

• Dundrugeya khu nombelo u wu hevbudego umo nya matimo nyo khaguri nya Bhibhiliya u bwe u wona edzi wu nga gu phasago khidzo gu tshukwadzisa milombelo yago.

• Sixitiri Vhidhyu umo nya jw.org, khu gu landreya bhula khiyo ni vambe vathu mwendro gu lova esi u si hevbudego.

• Dzi dongiseye gasi gu hongola thumoni nyo tshumayele.

• Dzi ninge tepo nya gu khedziseye sivangwa u bwe u wona esi si gu hevbudzago khu Jehovha.a