Sasamedzo nya Mihungo nya Dzindrima

Vathu mafuni gwatshavbo vo vbweta gutshulega khu guvbeleya. Makristo ma yede gu gu wona kharini gutshulega? Dzindrima dzedzi dza dzimbili dzi na tshamuseya gu khidzo so thula ginani gutshulega nya lisine, edzi hi nga gu manago khidzo, ni edzi hi nga gu thumisago khidzo gutshulega gwathu nyo hegedwe olu gasi gu hi phasa gu bwe gu phasa vambe. Nya lisima ga satshavbo, hi na hevbula edzi hi nga zundzago khidzo Jehovha, Nungungulu nya gutshulega nya lisine.

Avba nya dzindrima dzedzi, hi na hevbula gu khethu Jehovha a ngu tiyisa sithumi saye tepo yatshavbo. Hi na wona edzi si mu pimedzeyago khidzo khu gu tiyisa vambe. Hi na nati gu khethu khu ginani hi yedego gu tiyisana khu gyathu ngudzungudzu olu.

Tepo vaphya va dzi garadzeyago gu tsakisa Jehovha womini gwawe, va ngu tsaka ngudzu. Ndrima yeyi yi na hi ninga sighelo nya gu vaphya va dzi vegeya misuwo thumoni wa Jehovha ni sighelo nya gu va vega thumo nyo tshumayele wulangani nyo pheye womini gwawe.