Sasamedzo nya Mihungo nya Dzindrima

Guti gu na ni lisima gwathu ha gu gu thumisa. Ganiolu, gu vbwetega gu hi dzi nogisa gasi gu vbanya khesi hi si hevbulago. Ndrima yeyi yi na hi phasa gu simama gudzinogisa khu gu hi yeyedza edzi hi nga pimedzeyago khidzo siyeyedzo nya Bhibhiliya sa ava va tshumayedego vathu nya mafumbo yatshavbo, va gombeledego vambe, va bwe va vireya hlamulo wa Jehovha khu gulaphisa-monyo.

Ha gu vbanya dziteponi nyo garadze ngudzu khu kharato si ngu vbevbuga gu vbeya tshivba ni gu vbeledwa khu gutumba. Jehovha ni Jesu va na hi phasa, ganiolu anethu gu vbwetega gu hi thaveleyana. Ndrima yeyi ya gu hi hevbudza edzi hi nga vbahanago kidzo khu lihaladzo.

Jehovha “Nungungulu nya gutsake,” nigu a gu vbweta gu khuye sithumi saye si tsaka. Ganiolu hi nga tsaka kharini ambari olu hi tshanganago ni sigaradzo tigoni momo ga Sathane? Avba nya ganelo yaye ya gigomoni, Jesu hi hevbudzide edzi hi nga tsakago khidzo olu ni kala gupindruga.

Muhuno, vathu va guya va engedzeya gu mba khathala khu vambe. Ganiolu maKristo nya lisine ma hambanide kholu ayo ma ngu haladza vathu khu lisine. Mweyo nya dzindziya va yeyedzago khiyo isoso khu gu khathala khu vambe. Ga dzindrima dzedzi dza dzimbili, hi na wona edzi Jehovha a khathalago khidzo khethu, hi bwe hi wona edzi hi nga mu pimedzeyago khidzo.