Sasamedzo nya Mihungo nya Dzindrima

Gu lipha gu olovelegide ngudzu muhuno. Khu mani a ganedego malipha nyo pheye? Khu mevbini malipha nyo vivbe ngudzu ga yatshavbo ma ganedwego? Hi nga dzi vhikeya kharini gasi gu hi si kanganyiswi nigu hi nga ganeya kharini lisine ga moyo ni moyo wathu? Hi nga thumisa kharini dziferameta dzathu gasi gu hevbudza lisine thumoni nya gutshumayele? Dzindrima dzedzi dzi na hlamula siwudziso sesi.

Si nga garadza gu dzi pwananisa ni guvbindrugedza nyo khaguri. Dzindrima dzedzi dza dzimbili dzi na hi phasa gu simama ni gurula ga monyoni ni gu tumba Muthangeyi wathu, Kristo ambari tepo gu dugeleyago silo nya mba si vireya guvbayani gwathu.