Khu ginani mu endreyago vathu va gu na ni dzitshetshe dzawe?

Ho wona gu khethu vathu nya vangi va gu na ni dzitshetshe dzawe va ngu si gola gu bhula khu Bhibhiliya. Kha hi soli muthu khu gu ba a lumba tshetshe nyo khaguri, nigu kha hi gurumedzi muthu gu dzumeya mahungu yathu.

Tepo hi bhulago ni vathu khu silo nya wukhongeyi, ho zama gu landrisa wusingalagadzi nya Bhibhiliya hi gira isoso khu gurula ni githawo khu vambe. (1 Pedro 3:15) Hi ngu dziti gu khethu vomo va na ma bombago mahungu yathu. (Matewu 10:14) Ambari ulolo, na hi si gu bhuli navo, kha hi dziti gu khethu va na dzumeya mwendro kha va na nga dzumeya. Gimbe hi gi wonago khu gu siemo nya vathu si ngu vbindrugedza.

Khu giyeyedzo, si nga gira u ya mana muthu na pharegide ngudzu khu litshigu lolo, ganiolu khu limbe litshigu na tshulegide gu bhula. Si nga gira u ya va mana na va gu tshangana ni gigaradzo nya giphya gi na va girago va tsakeya gupwa mahungu nya Bhibhiliya. Khu kharato ha gu dzi garadzeya gu bhula ni vathu nasiri gumogo mwendro guvili basi.