Ina mu ngu khodwa gu khenu mafu ma vangidwe khu 6 matshigu basi?

Ahihi. Dzifakazi dza Jehovha dzi ngu khodwa gu khidzo Jehovha a vangide satshavbo. Ganiolu, ethu kha hi khodwi gu khethu mafu ma vangidwe khu 6 matshigu basi. Khu ginani? Kholu mapimo yoyo ma ngu dwanisana ni esi Bhibhiliya yi si hevbudzago. Wona siyeyedzo sivili:

1. 6 matshigu nya gu vangwe. Ava va emago ni mawonelo yaya va gu pimisa gu khavo 6 matshigu nya gu vangwe ma gu thula matshigu ma gu na ni 24 dziora. Ganiolu, omu nya Bhibhiliya lito litshigu li nga thula tepo nyo khaguri nasiri litshigu limwedo. — Genesi 2:4; Ndzimo 90:4.

2. Myaga nya mafu. Ava va emago ni mawonelo yaya va gu hevbudza gu khavo mafu ma na ni mazanazana nya myaga basi. Ganiolu, guya khu Bhibhiliya mafu ni satshavbo si gomogo si phede khiso gu manega na ma si vbohi 6 matshigu nya gu vangwe. (Genesi 1:1) Khu gighelo gyogyo, Dzifakazi dza Jehovha kha dzi ganedzi dzipesquiza nyo tumbege dzi giridwego khu vasiyentista dzi yeyedzago gu khidzo mafu adzina ma na ni dzibhiliyoni nya myaga.

Ambari olu Dzifakazi dza Jehovha dzi khodwago avba nya tumbunugo, isoso kha si ganeyi gu khiso ethu kha hi khodwi avba nya siyensiya. Ethu hi ngu khodwa gu khethu siyensiya nya lisine ni Bhibhiliya si ngu pwanana.