GIHEVBULO 18

Ganeya khu ndziya yi na hevbudzago vaengiseyi

1 Vakorinto 9:19-23

ESI U YEDEGO GU GIRA: Ndrindra gupima ga vaengiseyi vago, va gire va dundrugeya khesi va si hevbulago, va gire va dzipwa na va hevbude gilo nya lisima.

MAGIRELO YAKONA:

Dundrugeya khesi vaengiseyi vago va si tigo. Vbavbandze nyo wuyedzeye gu ganeya esi va si pwidego, va phase gu wona mahungu yoyo khu mawonelo nya maphya.

Vbiredzanyana wo ba u ganeya khu silo va si tigo, ganiolu u nonoka tepo u ganeyago khu silo nya siphya.
Gevisisa u bwe u dundrugeya. So kodzega, pata mahungu nyo khaguri ma gu mba tidwa ngudzu, mwendro silo si ngarigo gu girega gasi gu tshingisa matshina nya gisekelo. Dundrugeya gwadi khu mahungu yago ni guyelana nya mahungu yoyo ni esi u vbwetago gu si khumbuga.

Tepo u hevbulago mahungu yoyo, ndrindra gupima gwago khu gu dzi gira siwudziso sesi: ‘Ginani? Khu ginani? Lini? Hayi? Khu mani? Khu ndziya muni?’ Vbanyisa sihevbudzo sago khu gu wudzisa ni gu hlamula siwudziso nyo khaguri ga isoso.
Yeyedza lisima nya mahungu yago. Tshamuseya edzi Milowo yi na phasago khidzo vaengiseyi vago womini wawe wa tshigu ni tshigu. Ganeya khu siemo nyo kongome, mavbanyelo, ni mithumo yi pwananago ni vaengiseyi vago.