Ganeya khu silo si ndrindrago gupima nya vathu

Ginani Jesu a giridego?

VHIDHYU: Jesu ni nyamayi nya Musamariya avba nya nambo

1. Wona VHIDHIYU, mwendro leri Johane 4:6-9. Khavbovbo bhulani khu siwudziso si landreyago:

1. Ginani Jesu a gi wonidego ga nyamayi yoyu na nga si pheyi mabhulo?

2. Jesu a di khuye: “Nga nyivba mati nyo seye.” Khu ginani si nga phasa gu pheya mabhulo khu ndziya yeyi?

Ginani hi gi hevbulago khu Jesu?

2. Ha gu pheya mabhulo khu ndziya yi ndrindrago gupima, hi na si kodza gu manega ni mabhulo nya yadi.

Pimedzeya Jesu

3. Dzi vbevbugise. Kha si gurumedzegi gu pheya mabhulo khu mahungu u nga donga gasi gu ma thumisa. U nga pheya mabhulo khu gu thumisa silo si garadzago vathu muhuno ga tshigu. Dzi wudzise gu khuwe:

1. ‘Ginani gi yeyedzwago omu nya dzinotisiya?’

2. ‘Vavhizinyu vangu, dzikolega dza thumutuno ni xikwatuno dza gu bhula khu ginani?’

4. Khedziseya gwadi. Dzi wudzise gu khuwe:

1. ‘Ginani muthu yoyu a girago khu tepo u mu endreyago? Ginani adzina a pimisago?’

2. ‘Ha gu khedza sombo saye, makhalelo yaye, ndranga yaye ni mavbanyelo yaye, sa gu hi yeyedza ginani khesi a si khodwago?’

3. ‘Ina tepo nya yadi gasi gu bhula ni muthu yoyo?’

5. Engiseya gwadi.

1. U nga ganeyi ngudzu.

2. Kutsa muthu yoyo gu ganeya edzi a dzipwago khidzo. Sa gu lombega, mu gire siwudziso.