Gudzumeledwa nya thumo wathu tigoni ga Quebec

Tepo Pawulo a nga ba tshangana ni silingo, a di lomba gu lamudwa khu Sezari. Khu gu ba a thumiside fanelo yaye nya wusumbudwa wa Roma, Pawulo hi vegede giyeyedzo nya gyadi. Wona vhidhiyu yi gu khiyo Gudzumeledwa nya thumo wathu tigoni ga Quebec, u bwe u wona edzi vandriyathu va thumisidego khidzo fanelo yawe gasi gu emeya lisine tigoni ga Quebec. Hwane nya gu wone vhidhiyu, hlamula siwudziso sesi:

• Sigaradzo muni vandriyathu va Quebec va emisanidego naso?

• Gidangaliyana muni va phakisedego, nigu khu wevbi handro wakone?

• Ginani gi nga dugeleya Ndriyathu Aimé Boucher?

• Ginani gi hungidwego khu Tribhunali nya yikhongolo ya Kanadha maningano ni mahungu ya Ndriyathu Boucher?

• Malulamiselo muni ma kalago gu thumiswa ganiolu vandriyathu va ma thumisidego, nigu handro muni va wu manidego?

• Hwane nya gu ba dzipolisiya dzi tsolopetede mitshangano nya wuKristo na dzi gu rumwa khu paderi nyo khaguri, ginani gi nga girega?