Tshula mavbanyelo ya gale, u ambala nya maphya

3:5-14

Tepo u ngati lisine, gu na ni silo nya singi u nga vbindrugedza, khandridzo? Tiyisega gu khuwe Jehovha tsakide khu gu dzi garadza gwago. (Eze 33:11) Ganiolu, gu dzi garadza gogo gu ngu gu vbwetega kala muhuno gasi u si vandramedwi gambe khu mavbanyelo ya gale ma ta gu tshuleya mavbanyelo nya maphya. Hlamula siwudziso sesi gasi u feya gu tugula esi u yedego gu tshukwadzisa:

• Ina yi ngu vegeya giviti muthoyo a nga nga nyi gandra ginyalana?

• Ina nyi ngu laphisa monyo ambari na nyi gu vbiredzide mwendro gu garala?

• Nya gu ba nyi khaleya khu gu dundrugeya silo nyo vivbe ina nyi ngu dzegeya gu si vbiyela mapimoni?

• Ahati vathu nya limbe lifumbo mwendro litigo, kha nyi oloveyi gu va khedza khu liso limwedo?

• Matshigwanaya nyi di nga ganeya ni muthoyo khu ndziya nya mba yela?