Ginani u nga gi hevbulago avba nya dzimuzika dzathu?

Khu yevbini muzika u yi golago ngudzu? Khu ginani? Ina u ngu si wona gu khuwe dzivhidhiyu nya dzimuzika dzodzo dzo yeyedza silo nya guvbanya ga tshigu ni tshigu? Kha nga olu dzi ganeyago khu silo nyo hambanehambane dzi bwe dzi embeledwa khu dzindziya nyo hambanehambane, dzi ngu phasa vathu vatshavbo. Ganiolu, dzimuzika dzedzi ni dzivhidhiyu dzakone dzi ngu gira nya singi nyo vbindre gu hi vbungadzeya basi.

Muzika ni muzika ya gu hi hevbudza silo nya lisima esi hi nga si thumisago avba nya thumo ni mavbanyelo yathu nya wuKristo. Dzimbe dzimuzika dza gu ganeya khu gu hakha gwadi vapfhumba, gupwanana, wupari, gutiya-hwambo, lihaladzo ni gukhodwa. Dzimbe dzo ganeya khu gu bweleya ga Jehovha, gu divaleya vambe, gu tumbega tshigu ni tshigu ni gu thumeya Jehovha khu dzimbe dzindziya. Gu na ni muzika gambe yi ganeyago khu gu thumisa gwadi dzitelefone. Khu sevbini simbe sihevbudzo nya lisima u si manidego avba nya dzimuzika dzathu?

WONA VHIDHIYU NYA MUZIKA YI GU KHIYO MAFU NYA MAPHYA AYA, MA VBOHIDE!, U BWE U HLAMULA SIWUDZISO SI LANDREYAGO:

• Khu yavbini makategwa ma ngu gutago ma dundrugedwago khu patwa wa omu nya vhidhiyu? — Ge 12:3

• Hi nga gira kharini gasi hi engedzeya gu khodwa gu khethu Jehovha a na tadzisa situmbiso saye?

• Ginani hi veredego gu gi wona na gi gu girega khu sigodwa sathu si fudego?

• Guvireya hi gu nago nya gute nya Mufumo wa Nungungulu ga gu hi phasa kharini gu timiseya silingo muhuno? — Ro 8:25