Ema u tiya kha nga olu mahegiso ma hidzimeyago

KHU GINANI SI GU NI LISIMA: Nya mba hweya gu na girega silo nyo thise si na lombago gu hi yeyedza gutiya-hwambo nigu si na linga gutumba gwathu ga Jehovha khu ndziya nya gu gima hi si yi woni. Tshanisa nya yikhongolo yi na pheya tepo wukhongeyi nya malipha wu na tshungunudwago. (Mt 24:21; Gut 17:16, 17) Ndrani nya tepo yoyo nyo garadze, adzina hi na huweleya mahungu nya gu lamule. (Gut 16:21) Ethu hi na wugedwa khu Goge wa Magoge. (Eze 38:10-12, 14-16) Gasi gu emeya vathu vaye Jehovha a na resa “nyimbi nya Litshigu Likhongolo la Nungungulu nya Tshivba Yatshavbo.” (Gut 16:14, 16) Gasi gutiya-hwambo ga sigiro sesi si tago, hi yede gu simama na hi tumbegide olu tepo gu khodwa gwathu gu lingwago.

HI NGA SI GIRA KHARINI ISOSO:

• Emeya ni gu vbanya guya khu milayo nyo khugege nya mavbanyelo ya Jehovha. — Isa 5:20

• Simama gu manega mitshanganoni ni vandriyathu. — Heb 10:24, 25

• Engisa sileletelo hi ningwago khu hengeledzano ya Jehovha. — Heb 13:17

• Dundrugeya khedzi Jehovha a vbulugisidego khidzo vathu vaye gale. — 2Pe 2:9

• Gombeya ga Jehovha u bwe u mu tumba. — Ndz 112:7, 8

WONA VHIDHIYU YI GU KHIYO SIGIRO SI LANDREYAGO SI NA LOMBEGAGO GU HI TIYA HWAMBO — GIPANDRE, KHU HWANE U HLAMULA SIWUDZISO SI LANDREYAGO:

• 

  Gu engisa ga vahuweleyi gu lingidwe kharini tepo libandla lawe li nga kabaniswa?

• 

  Gupwanana muni gu gomogo avba nya gutiya-hwambo ni guengisa?

• 

  Khu ginani si na lombago gu hi gutiya-hwambo, tepo Harimagedhoni yi na vbohago?

• 

  Khu yavbini matimu nya Bhibhiliya ma nga hi phasago gu tiyisa gukhodwa gwathu nya gu khethu Jehovha a nga hi vbulugisa? — 2Dzik 20:1-24